Jeremias 13:26 - Manobo Western Bukidnon OT

²⁶ Edlevasan ku sikiyu su wey kew mepeel-elezi.

Jeremias 13:26 Referans Kwoze

Hoseas 2:10

Ne ǥuntaan edlevasan ku sikandin diyà te etuvangan te menge kumpadi zin, su wazà ebpekelibri kandin puun te gehem ku.

Penhulùhulù 1:8

Utew zekelà is salà te Jerusalem, umbe nehimu heini he meremerik. Is langun he mibeǥey kandin te zengeg dengan ne edsudì en kandin su neehè dan is kegkelevasi kandin. Edag-es sikandin ne midtembunan din is enaping din tenged te kegkeeled din.

Ezekiel 23:29

Tenged te pauk dan edsilutan ke zan, ne egkuwaan dan is langun he hineǥuan nu. Ed-ewaan ke zan is lelevas, ne egkezayag is mekeeled-eled he kebpekesavuk nu tenged te mahawag he vaal nu he iyan is kebelegyè nu te zengeg nu.

Ezekiel 16:37

Tenged kayi te mibeelan nu, edtiǥumen ku is langun he menge kumpadi nu he igkelilingey nu, is mibmahal nu wey ragkes en is egkeepesan nu. Edtiǥumen ku sikandan su wey ke zan kuntedaha, ne edlevasan ku sikew ziyà te etuvangan dan su wey ke zan maahà is lelevas.

Jeremias 13:22

Kenè ke ve vuwa ebpekeinsà diyà te ǥehinawa nu ke maan is nehitavù heini ziyà te kenikew? Midezeetan ka he iring te vahi he midlayug, su tenged te mahabet he menge salè nu.

Jeremias 49:10

Piru ed-eminen mulà egkuwaa is menge azen te menge kevuwazan ni Esau. Edluwisan ku is elesè dan, su wey kenà sikandan mekeeles. Ebpematey is menge anak dan, menge kezuzumahi zan, wey is menge siringan dan. Ne wazà egkesamà kandan.

Nahum 3:5

Guntaan, migkaǥi is Nengazen he Mekeǥeǥehem te, “Pemineg kew is menge tig-Nineve! Kuntada ku sikiyu! Umbe ebpeel-elezan ku sikiyu ziyà te zuma he menge nasyun. Iring te vahi he midlislisan he naahà is kegkelevasi zin.

Isaias 47:3

Egkaahà is kegkelavasi nu ne egkepeel-elezan ka. Ebelesan ku sikew ne kenè ku en sikew egkehizuwan.”

Hoseas 2:12

Edezeetan ku is menge pinemula zin he paras wey menge kayu he higus he egkeǥiyen din he imbayad kandin te menge kumpadi zin. Ebpetuvuan ku is menge pemuleey zin te merisen he menge kayu, ne is menge veǥas kayi egkeenen te leew he menge langgam.