Jeremias 13:14 - Manobo Western Bukidnon OT

¹⁴ Ibpebevantig ku sikandan, is menge ginikanan wey menge anak. Kenè ku ibpeehè kandan is hizu ku zutun te kedezeeti ku kandan. Iyan a, is Nengazen, is migkaǥi kayi.”

Jeremias 13:14 Referans Kwoze

Deuteronomio 29:20

Kenà sikandin ebpeseyluwen te Nengazen. Iring te edriyubriyub he regreg is dekelà he pauk te Nengazen kandin, ne egkehitavù diyà te kandin is langun he menge rawak he ingkesurat kayi te libru, ne id-awà te Nengazen is ngazan din kayi te kelibutan.

Salmo 2:9

Dumelaha nu sikandan, he wazè ebpekesukul te kedumala nu. Iring sikandan te ziniyun he ǥelemiten he edrupeten nu.’ ”

Jeremias 21:7

Ne sikew Hadì Zedekia he hadì te Juda, wey is menge upisyal nu, wey is menge etew he egkesamà he kenà ebpatey te zaru, te vitil, wey te tebek, ibeǥey ku sikiyu te kuntada niw he si Hadì Nebucadnezar he hadì te Babilonia wey te zuma pa he menge kuntada niw he egkesuat he edhimatey keniyu. Kenà sikandin egkehizu he edhimatey keniyu. Iyan a, is Nengazen, is migkaǥi kayi.

Jeremias 6:21

Umbe siak, is Nengazen, migkaǥi a te, ‘Edsavuk a te ebpekeseligkat kayi he menge etew. Ne tenged kayi egkezeetan is menge ginikanan wey is menge anak dan, ragkes en is telteleemiǥu wey teltelesiringan.’ ”

Isaias 27:11

Ne hein nengeǥangu en haazà is menge subpang ne nengevadtì heini, ne ed-em-emuren te menge vahi su wey iketavun. Su is menge etew kayi he inged ne wazè dan kedsavut, kenà sikandan egkehizuwan te Megbevayà he mibaal kandan.

Ezekiel 24:14

Iyan a is Nengazen migkaǥi he neume en is timpu he iyan ad edwaleng te kedsilut, ne wazà ebpekeeǥen kediey. Kenè ku sikiyu egkehizuwan, ne kenè en egkahalin is isip ku. Edhukuman kew tenged te vetasan niw wey menge vaal niw. Iyan a, is Nengazen he MEGBEVAYÀ, is migkaǥi kayi.’ ”

Ezekiel 9:10

Umbe kenè ku sikandan egkehizuwan; ebeelan ku ziyà te kandan is mibeelan dan diyà te zuma.”

Ezekiel 9:5

Ne nezineg ku is Megbevayà he migkeǥiyan din sikan is heenem he menge etew te, “Tunduǥa niw sikandin pehendiyà te inged ne penhimetayi niw is menge etew he wazà marka ziyà te vuked dan. Kenè niw sikandan kehizuwi.

Ezekiel 8:18

Umbe, ibpeǥezaman ku kandan is pauk ku. Kenè ku sikandan egkehizuwan. Minsan ikulahì dan pa te mezaǥing is kebuyù dan te tavang kayi te kediey, ne kenè ku sikandan ebpemineǥen.”

Ezekiel 7:9

Kenè ku sikiyu egkehizuwan. Edsilutan ku sikiyu sumalà te vineelan niw wey te utew mezaat he menge ulaula niw. Ne zutun egketuenan niw he iyan a, is Nengazen midsilut keniyu.

Ezekiel 7:4

Kenè ku sikiyu egkehizuwan. Edsilutan ku sikiyu tenged te menge vaal niw wey te utew mahawag he menge ulaula niw, su wey niw metueni he iyan a Nengazen.’

Jeremias 48:12

“Piru egkeuma is timpu he edsuǥuen ku is kuntada te kedsurung te Moab. Ne zutun egkeiring is nasyun he Moab te vinu he mid-ulaan puun te midteǥuan duen ne edrunteken din daan heini.

Jeremias 47:3

Egkezineg dan is keǥurub te menge kerwahi wey dabekdabek te menge kudà. Is menge amey kenè dan en edlilingayen te edtavang is menge anak dan. Edluyahan sikandan.

Jeremias 16:5

Migkaǥi pa is Nengazen te, “Kenè ka medseled diyà te valey he zuen duen egkeseeng tenged te minatey. Kenè ka meseeng wey kenè ka mebpaahà te hizu ziyà te minsan hentei. Su in-awè ku en is tuvad ku, kebmahal ku, wey hizu ku kayi he menge etew.

2 Cronica 20:23

Midsurung te menge Amonihanen wey menge Moabitanhen is menge sundaru ziyà te menge tig-Buntud he Seir ne nengepatey zan langun. Ne hein nengepatey zan en sikandan, ne mid-uuney zan mebpehimhimetayà.

1 Samuel 14:16

Diyà te Gibea, he sakup te tanà he Benjamin, naahà te menge bantey ni Saul is menge sundaru te menge Filistihanen, ebpemelaǥuy minsan hendei zà ebpekepevayà.

Job 27:22

Henduen be te kenè en heini egkehizu he edhiyup kandin te ebpenigudu para mekelingkawas.

Jeremias 15:5

“Sikiyu is menge etew te Jerusalem, hentei vuwa is egkehizu keniyu? Hentei is egkeseeng keniyu? Hentei vuwa is ebpenginginsà ke hengkey en is kebpekesavuk niw? Wazà!

Penhulùhulù 2:21

Nemekesesavuk diyà te menge zalan is nemematey he menge vatà wey menge meǥurang. Nemematey te tebek is menge vetan-en he menge maama wey menge vahi. Wazà nu en sikandan mehizuwi zutun te kebpenhimetayi nu kandan tenged te kegkepauk nu.

Hoseas 2:4

Ne sikiyu is menge anak din, ne kenè ku egkehizuwan, su menge anak kew te vahi he mengungumpadi. Mekeeled-eled is mibeelan te iney niw he mid-anak keniyu. Migkaǥi pa sikandin te, ‘Edtelukunan ku is menge kumpadi ku he iyan mibeǥey kedì te keenen, wahig, menge manggad he welin wey linu, lana, wey vinu.’

Zacarias 11:6

“Etura is menge etew ku su iyan a is Nengazen egkaǥi te kenè ku en egkehizuwan is menge etew kayi te kelibutan. Kedì he ketau is kegkesekupa te kada etew te iring din he etew wey te hadì din. Ne heini is dizalem te ǥehem dan is duma, kezeetan is ed-uwiten dan kayi te kelibutan, ne kenè ku edlibriyen is menge etew puun te ǥehem dan.”

Jeremias 15:6

Inselikwey a keniyu; layun a keniyu ed-iniyuǥi. Umbe egemiten ku is gehem ku te kedezaat keniyu. Neperahan ad he ebpaahà te hizu ku keniyu.

Jeremias 25:16

Emun ebpekeinum sikandan kayi, ebpekeziregdireg sikandan is henduen be te ebuneǥen, tenged te tebek he ibpaaǥi ku ziyà te kandan.”

Ezekiel 7:3

Ketepusan niw en, su ibpeǥezaman ku en keniyu is pauk ku. Edhukuman ku sikiyu te sungkad te menge vaal niw. Ebelesan ku sikiyu te langun he utew memezaat he menge ulaula niw.