Jeremias 1:2 - Manobo Western Bukidnon OT

² Impahayag te Nengazen is menge lalag he ibpekaǥi zin ki Jeremias hein ike-13 he tuig te kedhadì ni Josia diyà te Juda. Heini si Josia anak ni Amon.

Jeremias 1:2 Referans Kwoze

Micas 1:1

Iyan heini menge lalag te Nengazen bahin te Samaria wey Jerusalem. Impahayag din heini ziyà te ki Micas he tig-Moreshet dutun te timpu te kedhadì ni Jotam diyà te Juda, ne neketinundug kandin te kedhadì si Ahaz, wey si Hezekia. Migkaǥi si Micas te,

Jonas 1:1

Ne zuen timpu he zutun, migkeǥiyan te Nengazen si Jonas he anak ni Amitai. Ke sikandin te,

Hoseas 1:1

Heini he menge lalag impahayag te Nengazen diyà te ki Hoseas he anak ni Beeri dutun te timpu te kedhadì ni Uzia ziyà te Juda, pehendiyà te ki Jotam, ki Ahaz, wey ki Hezekia, ne timpu zaan haazà te kedhadì ni Jeroboam diyà te Israel he anak ni Joash.

Jeremias 1:11

Ne mid-uman megkaǥi is Nengazen kayi te kedì te, “Jeremias, hengkey is neehè nu?” Ne midtavak a te, “Subpang te kayu he almindru.”

Jeremias 1:4

Migkaǥi is Nengazen kayi te kedì te,

1 Hadì 13:20

Dutun te ebpimpinuu sikandan uvey te lemisahan, duen migkaǥi te Nengazen duen te meǥurang he ebpeneuven.

Jeremias 36:2

“Kuwa ka te linulun he suratà ne isurat nu is langun he migkaǥi ku kenikew vahin te Israel, Juda, wey langun he menge nasyun. Isurat nu is langun he migkaǥi ku puun te puunà te kebpekidlalag ku kenikew (hein si Josia pa is hadì diyà te Juda) taman en guntaan.

Jeremias 25:3

Seled te 23 he tuig–puun te ike-13 he tuig te kedhadì ni Josia ziyà te Juda, he anak ni Amon ne taman en guntaan is kebpekidlalag te Nengazen kedì. Ne edtulungan ku en edtudtula ziyà te keniyu is menge lalag din, piru wazè kew iyan mebpemineg.

2 Hadì 21:24

Piru pudu midhimetayi te menge etew ziyà te Juda sikan is midhimatey ki Hadì Amon. Ne iyan in-ilis dan he hadì is anak ni Amon he si Josia.

1 Hadì 13:2

Midsuǥù haazà is suluǥuen te Nengazen te kedrawak dutun te pemuhatà. Ke sikandin te, “Iyan heini egkeǥiyen te Nengazen mehitenged kayi te pemuhatà: Duen batà he egkeetew ziyà te menge kevuwazan ni David he iyan ngazan din si Josia. Ebpenhimetayan din wey ibpemuhat din kayi he pemuhatà is menge memumuhat he ebpemenilbi ziyà te menge simbahan diyà te metikang he menge lugar wey ebpemuhat kayi he pemuhatà. Egkeepur is menge tulan dan kayi he pemuhatà.”

2 Hadì 21:18

Hein minatey en si Manase, inleveng sikandin diyà te pemuleey te turuǥan din, kes pemuleey he egngezanan te Uza. Ne is anak din he si Amon iyan nekeilis kandin te kedhadì.

2 Hadì 22:3

Hein ike-18 he tuig te kedhadì din, impehendiyè din te valey te Nengazen is sikritaryu zin he si Shafan, he anak ni Azalia wey apù ni Meshulam. Migkeǥiyan din si Shafan te,

Jeremias 3:6

Dutun te timpu te kedhadì ni Josia migkaǥi is Nengazen kayi te kedì te, “Neehè nu ve is mibeelan te kenà menge metinumanen he menge Israilihanen? Mid-azap dan is duma he menge ed-ezapen diyà te kada metikang he vuntud wey ziyà te sihung te kada merapung he kayu. Iring sikandan te vahi he ebelegyà te zengeg din.

Jeremias 28:12

Ne wazè en meuǥet dutun te kebedtia te ebpeneuven he si Hanania zuen te eyuǥu ziyà te tengel ni Jeremias, migkaǥi is Nengazen diyà te ki Jeremias te,

Joel 1:1

Iyan heini menge lalag te Nengazen he impezayag din diyà te ki Joel te anak ni Petuel.

Zefanias 1:1

Iyan heini lalag te Nengazen diyà te ki Zefanias dutun te timpu he si Josia he anak ni Amon iyan hadì diyà te Juda. Si Zefanias anak ni Cushi, si Cushi anak ni Gedalia, si Gedalia anak ni Amaria, ne si Amaria anak ni Hezekia.