Hoseas 9:11 - Manobo Western Bukidnon OT

¹¹ Menge tig-Israel, is kegkemekeǥeǥehem niw egkaawà iring te tagbis he edlayang. Kenà ebmeǥingey wey ebpekaanak is menge vahi niw.

Hoseas 9:11 Referans Kwoze

Hoseas 10:5

“Egkahandek is menge meǥinged diyà te Samaria tenged te kegkaawà te menge ed-ezapen he vehiyan he menge vaka ziyà te Bet Aven. Sikandan wey is menge memumuhat dan he ingkelipey zan is kekempet kayi he menge ed-ezapen, ebpekelalew zan su egkuwaan heini ziyà te kandan

Hoseas 9:14

Migkaǥi si Hoseas te, “Nengazen, iyan heini beeli nu ziyà te menge etew nu: Kenè nu ituǥut he mekaanak wey mekepesusu is menge vahi te menge anak dan.”

Hoseas 4:7

Dutun te kebmahabet niw te menge memumuhat, ne mibmahabet en daan is menge salè niw kayi te kedì. Umbe ed-el-elezen ku sikiyu pinaaǥi te impahambug niw.

Deuteronomio 28:18

Idrawak din keniyu he zeisey zà is menge anak niw, sebpet niw, wey menge uyaǥen niw.

Amos 1:13

Iyan heini migkaǥi te Nengazen mehitenged te Ammon: “Tenged te kedtulung kebaal te salà te menge tig-Ammon, edsilutan ku sikandan. Su midsirian dan is memeǥingey he menge vahi ziyà te Gilead, su wey zan maangken heini he tanà.

Megwewali 6:3

Egkehimu he mahabet is anak te sevaha he etew wey meluǥayad is untung din, piru minsan meluǥayad is untung din ke wazè din kelipey zuen te meupiya he menge vutang he nezawat din wey kenà sikandin igkeleveng ke ebpatey, ne meupiya pa is batà he neranran kenà sikandin.

Salmo 58:8

Meiring pezem sikandan te tuwey he egkaapug, etawa vatà he neranran he wazè en mekevulug mekaahà te merayag.

Job 18:5

“Benar iyan, he siguradu he ebpatey is lalung he etew. Iring sikandin te sulù he kenè en edsiǥa.

Deuteronomio 33:17

Is desen din meiring te zesen te kinekekayan he tudu he vaka. Is gehem din meiring te ǥehem te sungey te kelesanen he vaka. Pinaaǥi kayi edèdeetan din is menge nasyun minsan is diyà te kinemeziyuan he vahin kayi te kelibutan. Iyan heini penuvadtuvad ku te mahabet he menge etew he egkeǥepak diyà te ki Efraim wey ki Manase.”

Deuteronomio 28:57

Id-eles din is anak din he sikan pa ianak wey is inulunan kayi su ed-el-elesan din egkeena, su egkahandek sikandin he kela ke wazè din egkekaan dutun te kedliǥuyi te menge inged niw te menge kuntada niw.

Genesis 49:22

“Sikew Jose, iring ka te meseǥila he asnu he ziyà te kilid te serebseb etawa ziyà te kelendiǥan.

Genesis 41:52

Ne haazà is hazi he anak din, migngezanan din ki Efraim su ke sikandin te, “Midhimu te Megbevayà he mebmeuswaǥen a zini te tanà he mezakel is menge kemereǥenan ku.”

Isaias 17:3

Egkengevengkag is binerengbeng he menge inged diyà te Israel, ne egkaawà is kegkemekeǥeǥehem te Damascus. Is egkehitavù diyà te egkesamà he menge tig-Aram egkeiring te nehitavù te menge Israilihanen.” Iyan a, is Nengazen he Mekeǥeǥehem, is migkaǥi kayi.

Hoseas 5:9

Egkezeetan is Israel zutun te andew te kedsilut. Egkehitavù iyan is migkaǥi ku he ebpekesuǥat te menge tribu te Israel!

2 Samuel 6:23

Ne wazè en med-anak si Mical taman te kebpatey zin.