Hoseas 8:6 - Manobo Western Bukidnon OT

⁶ Is ed-ezapen he vaka ziyà te Samaria mibeelan dà te platiru ziyà te Israel. Kenà heeyan Megbevayà! Siguradu he edrupeten heeyan.

Hoseas 8:6 Referans Kwoze

Habakuk 2:18

“ ‘Hengkey is pulus te zuma he menge ed-ezapen? Kayu zè man heeyan etawa mital he mibeelan te etew, ne kenè man heeyan ebpekekaǥi mehitenged te tutuu. Ne maan is midtuuwan heeyan te menge etew he mibaal zuen? Kenà ganì heeyan ebpekekaǥi.

Hoseas 10:2

Menge limbungan sikandan, ne ǥuntaan ereg sikandan he ebpekaantus tenged te menge salè dan. Ebengkaǥen te Nengazen is menge pemuhatè dan wey is tedeman he menge vatu.

Jeremias 50:2

“Ipetueni nu ziyà te menge nasyun is tudtul! Ne ivayew is bendirà ne ipetueni te langun: ‘Egkezeetan is Babilonia! Egkerupet wey egkepeel-elezan is menge ed-ezapen kayi he si Bel wey si Marduk.’

Jeremias 10:14

Is menge ed-azap te zuma he menge ed-ezapen, menge paglung wey wazà menge ketau. Egkepeel-elezan dà is menge platiru tenged te menge vineelan dan he menge ed-ezapen, su kenà heini tutuu. Wazà kayi untung.

2 Cronica 31:1

Ne hein nepasad haazà is pista, is menge Israilihanen he midtelavuk dutun midhendiyà te menge inged te Juda ne mibpenrupet dan is tedeman he menge vatu wey mibpenamped dan is menge tukud he simbulu te vahi he ed-ezapen he si Ashera. Mibpenrundus dan is menge simbahan diyà te metikang he menge lugar wey is menge pemuhatà diyà te tivuuk he Juda wey Benjamin, wey ziyà te Efraim wey Manase. Ne hein nepasad dan haazà te ebpenrundus, ne mid-ulì sikandan diyà te menge inged dan wey tanè dan.

2 Hadì 23:19

Ne midrundus ni Josia is menge simbahan diyà te metikang he menge lugar, diyà te Samaria, iring te mibeelan din diyà te Betel. Heini he menge simbahan is impeveelan te menge hadì te Israel utew ingkepauk te Nengazen.

2 Hadì 23:15

Minsan is pemuhatà diyà te simbahan diyà te metikang he lugar he ziyà te Betel midrundus ni Josia. Heini he simbahan impeveelan ni Jeroboam he anak ni Nebat, he iyan nehimu he hinungdan te kebpekesalà te menge tig-Israel. Mibekbek heini ni Josia ne mibinsulan din ragkes is tukud he simbulu te vahi he ed-ezapen he si Ashera.

Jeremias 48:13

Ne zutun igkeeled te menge tig-Moab is ed-ezapen dan he si Kemosh iring te ingkeeled te menge Israilihanen is kenà tutuu he megbevayà he mid-azap dan diyà te Betel.

Hoseas 13:2

Guntaan, sikiyu is migngezanan te Efraim, mibpedayun kew he ebaal te salà. Mibeelan niw he ledawan is menge pelata niw su ed-ezapen niw. Piru heini is langun, mibeelan dà te etew zà duen ne pinaaǥi zà heini te neisip din. Migkaǥi kew pa te ebpemuhat kew te etew kayi te menge ed-ezapen he vaka ne edhazek kew ziyà te kandan.

Hoseas 14:3

Kenè key en ebuyù te tavang diyà te Asiria wey kenè key en edsarig te menge kudà he para te tebek. Kenè dey en egngezanan he Megbevayè dey is menge ed-ezapen he mibeelan dey. Su nehizuwan key kenikew is iring te menge ilu.’ ”

2 Cronica 13:8

Ne ǥuntaan egkesuatan niw te egkuntada is ginhedian te Nengazen he ziyà isarig te kevuwazan ni David. Mibpegalbu kew he mezakel is menge sundaru niw wey neuwit niw kes bulawan he menge vaka he mibpeveelan ni Jeroboam he iyan menge megbevayè niw.

Micas 1:7

Egkengerupet is langun he menge ledawan te menge ed-ezapen diyà te Samaria, ne egketutung is langun he imbayad te menge maama te kebpekidhilavet dan te menge vahi he ebelegyà te zengeg dan diyà te simbahan. Neketiǥum is menge tig-Samaria te menge ledawan pinaaǥi te kebeyazi te menge vahi he ebelegyà te zengeg dan diyà te simbahan. Umbe ǥuntaan, is menge kuntada zan, egkuwaan dan is menge pelata wey menge vulawan he impekaplà diyà te menge ledawan dutun su ibayad dan daan wey zan mekepekidhilavet te menge vahi ziyà te simbahan para te zuma he menge ed-ezapen diyà te kandan.”