Hoseas 8:12 - Manobo Western Bukidnon OT

¹² Impesurat ku is mahabet he menge kesuǥuan he para kandan, piru mid-isip dan heini he para te zuma ne kenà para kandan.

Hoseas 8:12 Referans Kwoze

Hoseas 4:6

“Egkengezeetan is menge etew ku su ǥeina te kurang dan te keuluwanen mehitenged kediey. Su sikiyu mismu is menge memumuhat inselikwey niw is paaǥi te kegketau mehitenged kedì, umbe idselikwey ku en daan sikiyu is menge memumuhat ku. Midlipatan niw is Kesuǥuan ku, umbe edlipatan ku zaan is menge anak niw.

Ezekiel 20:11

Ne zutun imbeǥey ku kandan is menge suǥù ku wey menge sulunuzen he ereg he edtumanen dan para mebpedayun is kegkeuyag-uyag dan.

Isaias 30:9

Su menge mesinupaken sikandan, menge teruen, wey kenà egkesuat he ebpemineg te menge penurù ku.

Erubasa 22:20

Insurat ku is 30 he menge erubasa he ebpekeveǥey te ketau wey menge selembaǥan.

Salmo 119:18

Puwasi nu is isip ku su wey ku mesavut is mekempet he menge ketutuanan diyà te kesuǥuan nu.

Salmo 50:17

Egkeepesan niw is menge penurù ku; wazè niw seǥipaa is menge lalag ku.

Nehemias 9:26

“Piru minsan pa te iyan haazà, midsupak dan wey nekidsukulà kenikew. Mid-iniyuǥan dan is Kesuǥuan nu. Mibpenhimetayan dan is menge ebpeneuven nu he ed-umew kandan te kedlikù diyà te kenikew. Utew subra is kedsumpelita zan kenikew!