Hoseas 4:14 - Manobo Western Bukidnon OT

¹⁴ Piru kenè ku sikandan edsilutan tenged keniyan te mibeelan dan su sikiyu is menge maama nekidhilavet kew zaan te menge vahi he ebelegyà te zengeg dan diyà te simbahan, ne nemuhat kew pa zuma kandan te menge pemuhat he para te zuma he menge ed-ezapen. Ne ǥeina te sikiyu he menge etew, wazè niw kedsavut mehitenged te ketutuanan, ne edezeetan kew.

Hoseas 4:14 Referans Kwoze

Hoseas 4:1

Sikiyu is menge Israilihanen he meǥinged diyà te tanà he Israel, pemineǥa niw is riklamu te Nengazen keniyu: “Wazè en etew ziyà te tanè niw he metinumanen, ebmahal, wey egkilala kediey,

Hoseas 14:9

Berakat he is duen din kedsavut keniyu metueni zin wey mesavut din is menge ingkesurat kayi. Utew hustu is menge paaǥi te Nengazen ne ed-ikulen heini te menge metazeng, piru igkeseligkat mulà heini te menge merepasen.

Hoseas 4:17

Iyan en ingkaapal zan is ked-azap te zuma he menge ed-ezapen. Ne bey-ani en sikandan!

Daniel 12:10

Mezakel is nekesavut te tutuu he edlumpiyuwan sikandan, ne egkesavut dan is mibpengaǥi ku. Piru is menge lalung ebpedayun te kebaal te kelelalung, ne kenè dan egkesavut is mibpengaǥi ku.

Isaias 56:11

Iring sikandan te leǥezen he menge asu he kenà egkepezaan. Menge perevantey sikandan te Israel he wazè dan kedsavut. Is kada sevaha kandan mibpenigudu en mebaal te egkesuatan din te ebaal ne iyan dà edtinguhaan din is kandin dà he keupiyaanan.

Isaias 1:5

Menge tig-Israel, maan is mibpedayun kew mebpekidsukulà? Egkesuat kew ve he edsilutan? Iring kew te etew he nepurung te palì is ulu zin wey utew mesakit is gehinawa zin.

Erubasa 28:5

Is menge etew he lalung kenè dan egkesavut is hustu he kukuman, piru is menge etew he edangep te Nengazen egkepurung dan mulà egkesavut is hustu.

2 Hadì 23:7

Imperundus din daan is menge valey te menge maama wey menge vahi he ebelegyà te zengeg dan, he ziyà te uvey te valey te Nengazen he zutun ebpenahì is menge vahi te menge visti he egemiten te ked-azap ki Ashera.

1 Hadì 15:12

Midsegseg din puun te Juda is menge maama wey menge vahi he ebelegyà te zengeg dan diyà te menge lugar he zutun dan ed-azap, ne impaawè din is menge ed-ezapen he mibpeveelan te menge kepuun din.

Deuteronomio 23:17

“Kinahanglan he wazà Israilihanen he maama etawa vahi, he ebelegyà te zengeg din diyà te simbahan he paaǥi te ked-ezapa te zuma he menge ed-ezapen.

Hoseas 5:4

“Is mezaat he menge vaal niw iyan ed-eǥen keniyu wey kew kenà mekelikù kayi te kedì te Megbevayè niw. Su ziyà te gehinawa niw is mulin-ulin he edtukù keniyu te ked-azap te zuma he menge ed-ezapen, ne wazà a keniyu kilelaa he Nengazen.

Amos 2:7

Edèdaaǥen dan is menge pubri wey wazè dan beǥayi te hustu he kukuman. Neulaula ziyà te kandan, he is amey wey is anak din he maama ebpekidhilavet te sevaha zà he vahi. Tenged kayi mibpendezeisey zan is waǥas he ngazan ku.

Numero 25:3

Umbe, neketampu is menge Israilihanen te ked-azap ki Baal ziyà te Peor. Ne utew sikandan nepeuki te Nengazen.

Isaias 27:11

Ne hein nengeǥangu en haazà is menge subpang ne nengevadtì heini, ne ed-em-emuren te menge vahi su wey iketavun. Su is menge etew kayi he inged ne wazè dan kedsavut, kenà sikandan egkehizuwan te Megbevayà he mibaal kandan.