Hoseas 4:12 - Manobo Western Bukidnon OT

¹² Ebpesambag kew te menge ed-ezapen niw he kayu. Ne kunaan niw ke edtavak heini. Midtazin kew te mulin-ulin he iyan midtukù keniyu wey niw maazap is duma he menge ed-ezapen, umbe mid-iniyuǥan a keniyu, iring kew te vahi he nengumpadi.

Hoseas 4:12 Referans Kwoze

Hoseas 5:4

“Is mezaat he menge vaal niw iyan ed-eǥen keniyu wey kew kenà mekelikù kayi te kedì te Megbevayè niw. Su ziyà te gehinawa niw is mulin-ulin he edtukù keniyu te ked-azap te zuma he menge ed-ezapen, ne wazà a keniyu kilelaa he Nengazen.

Jeremias 2:27

Egkeǥiyen niw he kayu is amey niw ne vatu is iney niw. Mid-iniyuǥan a keniyu, piru emun edlised kew, ebuyù kew te tavang kayi te kediey.

Habakuk 2:19

Kehizu niw te egkaǥi ziyà te ledawan he kayu etawa vatu te, “Kepukew ke en ne tevangi key.” Kenè ganì heeyan ebpekepenurù keniyu. Minsan mibpekeplaan heeyan te vulawan wey pelata, piru kenà heeyan uuyag.

Deuteronomio 31:16

Ne migkaǥi is Nengazen diyà te ki Moises te, “Meǥaan ke en ebpatey ne ebpekaamur ka ziyà te menge kepuun nu. Emun wazè ke en, ne heini he menge etew ed-azap te zuma he menge ed-ezapen he ed-ezapen te menge etew ziyà te tanà he ebpeveyaan dan. Ed-iniyuǥan e zan ne edrepasen dan is kebpekid-uyun ku kandan.

Numero 15:39

Heini is egkengevitey, ebpetanudtanud keniyu te langun he menge suǥù ku su wey niw tumana heini ne kenà iyan is keniyu zà he egkesuatan te ebaal.

Micas 2:11

Is egkesuatan niw he megwewali iyan sikan is egkaǥi te wazè din pulus, limbungan, wey teruen, he iyan heini idwali zin: ‘Ed-uzaren kew te vinu wey zuma pa he inumen.’ ”

Hoseas 9:1

Migkaǥi si Hoseas te, “Sikiyu is menge tig-Israel, engkezi niw is kedlipeylipey niw he iring te ebeelan te menge etew ziyà te zuma he menge nasyun. Su mid-azap kew te zuma he menge ed-ezapen ne mibpekeziyuan niw is Megbevayè niw. Diyà te minsan hendei he gunasà te menge pungu ingkelipey niw is menge abut niw he mid-isip niw he imbayad diyà te keniyu te zuma he menge ed-ezapen tenged te ked-ezapa niw kandan.

Ezekiel 21:21

Su is hadì te Babilonia edhitindeg diyà te lembaǥan keniyan te zezuwa he kersada ne ibarè din ke hendei zutun te zezuwa is ed-ikulen din pinaaǥi te kedhubus te vesut te panà, wey kedsusi te atey te uyaǥen he impemuhat, wey ked-insà diyà te menge ed-ezapen.

Jeremias 10:8

Menge wazà dan pereg wey menge tulebung. Is penurù mehitenged te ed-ezapen dan he menge kayu, ne wazè din pulus.

Salmo 73:27

Is menge etew he ed-iniyug kenikew, ne kenà duwazuwa he egkengahanew sikandan; edezeetan nu is wazà medtuman te egkesuatan nu.

2 Cronica 21:13

Kekenà, iyan nu midsunud is mibeelan te menge hadì te Israel. Mid-iniyat nu is menge tig-Juda wey menge tig-Jerusalem te ked-azap te zuma he menge ed-ezapen, iring te mibeelan ni Ahab. Mibpenhimetayan nu zaan is menge suled nu he meupiya pa kenà sikew.

Leviticus 20:5

iyan a mismu egkuntra kandin wey te pemilya zin wey te langun he edsunud kandin te kebpemuhat diyà te ki Molec. Kenè ku sikandan ed-isipen he zuma niw.

Leviticus 17:7

Umbe, kenè kew en ereg he ebpemuhat diyà te ed-ezapen he henduen be te kambing, su ebpekepeziyù heeyan keniyu ziyà te Nengazen. Kinahanglan he tumana niw heini taman te huziyan he lapis te menge kevuwazan.

Salmo 106:39

wey ragkes en daan is keugelingen dan. Ne heeyan is baal zan, iyan paaǥi te kedluivi zan te Megbevayà, iring dan te vahi he midselselaan din is esawa zin.

Hoseas 14:3

Kenè key en ebuyù te tavang diyà te Asiria wey kenè key en edsarig te menge kudà he para te tebek. Kenè dey en egngezanan he Megbevayè dey is menge ed-ezapen he mibeelan dey. Su nehizuwan key kenikew is iring te menge ilu.’ ”

Zatù 18:5

Ne migkeǥiyan dan sikandin, “Geina te memumuhat ke ves, ne insai nu is Megbevayà ke melempusen be heini is hipanew zey.”

2 Hadì 17:7

Nehitavù heini ziyà te menge tig-Israel su geina te nekesalè dan diyà te Nengazen he Megbevayè dan he mibpeǥawas kandan diyà te Ehipto wey te kebeyveyai kandan te Faraon he hadì te Ehipto. Mid-azap sikandan te zuma he menge ed-ezapen

Jeremias 23:13

“Neehè ku he utew subra is kelelalung te menge ebpeneuven diyà te Samaria, su edheǥeten dan is menge tagnè dan pinaaǥi te ngazan ni Baal ne midtazin dan is menge etew ku he Israilihanen.

Ezekiel 20:32

“ ‘Kenà egkehitavù is egkeisip niw he egkeiring kew te zuma he menge nasyun he is menge etew zuen ed-azap te menge ed-ezapen he ledawan he vatu wey kayu.

Hoseas 6:10

He menge tig-Israel, utew grabi is neehè ku ziyà te keniyu; ed-azap kew te zuma he menge ed-ezapen, umbe nehimu kew he meremerik.