Hoseas 10:2 - Manobo Western Bukidnon OT

² Menge limbungan sikandan, ne ǥuntaan ereg sikandan he ebpekaantus tenged te menge salè dan. Ebengkaǥen te Nengazen is menge pemuhatè dan wey is tedeman he menge vatu.

Hoseas 10:2 Referans Kwoze

Micas 5:13

Ne kenè kew en ebpekaazap te menge ledawan wey tedeman he menge vatu he mibeelan niw, su edrupeten ku heini,

1 Hadì 18:21

Mid-uvey si Elias diyà te menge etew is migkaǥi te, “Sengemenu keluǥayad is kedsunud niw te zezuwa he tuluuwen? Emun iyan Megbevayà is Nengazen ne sunuza niw sikandin piru emun iyan Megbevayà si Baal ne iyan niw sunuza.” Piru wazà medtavak is menge etew.

Zefanias 1:5

Edezeetan ku zaan is menge ebpemenahik diyà te atep te valey zan su ed-azap dan te andew, bulan, wey menge vituen. Edezeetan ku is menge ed-azap wey nenangdù he ebpenilbi kayi te kedì piru nenangdù daan he ebpenilbi ziyà te ed-ezapen he si Molec.

Hoseas 13:16

Ereg he edsilutan is menge tig-Samaria tenged te kebpekidsukulè dan kediey te Megbevayè dan. Egkeǥerà sikandan tenged te tebek. Edrunteken is dezeisey he menge anak dan, ne edsirian is meǥingey he menge vahi kandan.”

Hoseas 7:8

“Nekidsevaha is menge etew te Israel te menge etew ziyà te zuma he menge nasyun. Wazà egkepupulus diyà te kandan su iring sikandan te menipis he supas he midlutù he wazà mevelikid.

Jeremias 43:13

Edrupeten din is menge segradu he tukud diyà te Betshemes he diyà te tanà he Ehipto, ne ebinsulan din is menge simbahan he para te zuma he menge ed-ezapen diyà te Ehipto.’ ”

Isaias 44:18

Heini he menge etew wazà mesayud wey wazà mekesavut te ebeelan dan. Nesebpengan is menge mata zan umbe kenà sikandan ebpekaahà. Nesirahan is menge isip dan umbe kenè dan ebpekesavut.

1 Samuel 5:4

Ne hein sunud en maan he meselem, neehè dan en maan he edlelelangkeb dutun te egkesineruwan ded dutun te Kavan te Nengazen. Ne is ulu zin wey zezuwa he velad din ne nengetamped, dutun mekesavuk te kilid te gemawan; iyan dà nesamà is lawa zin.

Hoseas 3:4

Su ebpesavut heini he seled te meluǥayad he timpu is kebpengungubpaan te menge etew te Israel he wazè dan hadì, upisyal, pemuhat, tedeman he vatu, wazà ipud he egemiten te kebpenagnà, wey menge ed-ezapen.

Hoseas 12:11

Piru minsan pa zutun, is menge etew ziyà te Gilead, menge lalung sikandan wey wazà menge pulus, ne is menge etew ziyà te Gilgal nemuhat te menge tudu he vaka ziyà te zuma he menge ed-ezapen. Siguradu he ebengkaǥen is menge pemuhatè dan ne egkeiring heini te intambù he menge vatu he mibpenguwa ziyà te tanà he mid-eradu.

Exodus 23:24

Kenè niw ezapa wey silbiyi is kandan he ebpen-ezapen, ne kenè niw iringi is menge vaal zan. Purungi niw zèdeeti is menge ed-ezapen dan wey is menge vatu he tedeman dan.

Leviticus 26:30

Edrundusen ku is menge simbahan niw ziyà te metikang he menge lugar ragkes is menge pemuhatà he tutungà te veyewà. Ne idtimbag ku sikiyu is ebpematey ziyà te zivavew te kenà egeǥehinawa he menge ed-ezapen, ne idselikwey ku sikiyu.

Erubasa 11:18

Is lalung he etew, kunaan din ke meupiya is suhul kandin, iyan, meupiya mulà is suhul te etew he meupiya is menge ulaula zin.

Ezekiel 14:5

Ebeelan ku heini su wey medlikù kayi te kediey is langun he menge Israilihanen he nekepekeziyù kayi te kediey tenged te menge ed-ezapen dan.