Hoseas 10:10 - Manobo Western Bukidnon OT

¹⁰ Suat ku is kedsiluti ku keniyu. Egkesevaha is menge nasyun te kedsilut keniyu tenged te kedsigudu niw kebaal te salà.

Hoseas 10:10 Referans Kwoze

Ezekiel 5:13

“Pinaaǥi keniyan igkevuswang ku is pauk ku kandan, ne igkepeǥezaman ku is rerangit ku para mevehew is utew ku kegkepauk.

Hoseas 4:9

Umbe, ǥuntaan te edsilutan ku is menge etew, ne edsilutan ku zaan sikiyu is menge memumuhat. Edsilutan ku sikiyu tenged te vetasan niw; ebelesan ku sikiyu tenged te menge vaal niw.

Jeremias 16:16

“Piru ǥuntaan, ibpehendiyè ku zep-a te kandan is mezakel he menge kuntada zan he iring te menge mengingisdà he edhingutel kandan. Is menge kuntada zan iring daan te menge mengengasu he ebpen-ahà kandan diyà te menge vuntud, menge vuvungan, wey ziyà te menge sihung te vatu.

Hoseas 8:10

Piru minsan mibpesakup is Israel te zuma he menge nasyun, ne edtiǥumen ku ǥuntaan is menge etew kayi ne edsilutan ku. Ne ebpuun en is kegkerasey zan tenged te kedluplupiǥa kandan te sevaha he hadì wey menge upisyal zin.

Hoseas 8:1

“Ipezaǥing niw is budyung su wey mekepengandam is menge etew ku su is Israel he mid-isip ku he ubpeey ku, edsurungen te menge kuntada he iring keǥaan te menderaǥit. Su wazè dan itetepi-an is paaǥi ku te kebpekid-uyun kandan wey midrapas dan is kesuǥuan ku.

Ezekiel 23:46

“Iyan a, is Nengazen he MEGBEVAYÀ, edsuǥù a te menge etew te kedsurung kandan. Ne igkeherati zan heini he menge etew, ed-eǥawen kayi is menge azen dan,

Ezekiel 23:9

“Umbe, imbeǥey ku sikandin te menge kumpadi zin he menge tig-Asiria he midtelukunan din.

Ezekiel 16:42

Ne egkevehew en is utew ku kegkepeuki kenikew, ne kenà ad egkepauk kenikew.

Ezekiel 16:37

Tenged kayi te mibeelan nu, edtiǥumen ku is langun he menge kumpadi nu he igkelilingey nu, is mibmahal nu wey ragkes en is egkeepesan nu. Edtiǥumen ku sikandan su wey ke zan kuntedaha, ne edlevasan ku sikew ziyà te etuvangan dan su wey ke zan maahà is lelevas.

Jeremias 21:4

“Keǥiyi niw si Zedekia te iyan heini migkaǥi te Nengazen he Megbevayà te Israel: Edhimuwen ku he kenà mebpulus is menge ǥumaan niw, he egemiten niw te kebpekidtebek ki Nebucadnezar wey te menge sundaru zin he edliǥuy ziyà te menge verengbeng niw. Edtiǥumen ku sikandan kayi te inged.

Jeremias 15:6

Inselikwey a keniyu; layun a keniyu ed-iniyuǥi. Umbe egemiten ku is gehem ku te kedezaat keniyu. Neperahan ad he ebpaahà te hizu ku keniyu.

Isaias 1:24

Umbe, migkaǥi is Nengazen, he Mekeǥeǥehem he Megbevayà te Israel te, “Ebelesan ku sikiyu is menge tig-Jerusalem he menge kuntada ku, su wey kenà ad mesekiti tenged te menge vaal niw.

Deuteronomio 28:63

Iring te ingkelipey te Nengazen is kebpeuswag wey kebpezekelà keniyu, igkelipey zin daan is kedezaat wey kegerà keniyu, taman te egkengahanew kew puun duen te tanà he edselezan niw su wey niw maangken.

Hoseas 10:9

Migkaǥi is Nengazen te, “Sikiyu is menge etew te Israel mibpedayun kew mebaal te salà puun pa zutun te timpu te kebaal te salà te menge kepuun niw ziyà te Gibea. Wazè kew iyan meveǥu. Umbe sikiyu is menge kevuwazan te menge lalung ne edsurungen te Gibea?

1 Hadì 12:28

Umbe, hein nepasad is kebpesambag ni Jeroboam mehitenged kayi te neisip din, ne mibpevaal sikandin te zezuwa he vulawan he vaka. Ne migkeǥiyan din is menge etew te, “Sikiyu is menge Israilihanen, egkereǥenan kew en te layun kedhendiyà te Jerusalem. Ne heini zed is menge ed-ezapen he mibpeǥawas keniyu ziyà te Ehipto.”

Job 39:10

Egkehiketan nu ve heini ne igkeeradu nu ziyà te vevesukè nu?

Hoseas 4:19

Edezeetan sikandan he iring te idlayap te mevandes he keramag, ne egkepeel-elezan sikandan tenged te kebpemuhata zan te zuma he menge ed-ezapen.”