Hoseas 1:4 - Manobo Western Bukidnon OT

⁴ migkeǥiyan te Nengazen si Hoseas te, “Ngezani nu heeyan is batà te Jezreel, su kenè en egkeuǥet ne edsilutan ku is hadì te Israel tenged te kebpenhimatey te kepuun din he si Jehu ziyà te inged he Jezreel. Id-awè ku is ginhedian te Israel.

Hoseas 1:4 Referans Kwoze

Hoseas 1:9

Migkaǥi is Nengazen diyà te ki Hoseas te, “Ngezani nu heeyan is batà te Lo Ami, he ke và dà egkegiya, ‘Kenà menge Etew ku,’ su is menge etew te Israel, ne kenè ku menge etew ne kenè e zan Megbevayà.

Hoseas 1:6

Mid-uman mebmeǥingey si Gomer ne mid-anak te vahi. Ne migkaǥi is Nengazen diyà te ki Hoseas te, “Ngezani nu heeyan is batà te Lo Ruhama, he ke và dà egkegiya, ‘Wazà Mehizuwi,’ su kenè ku en egkehizuwan wey ebpeseyluwen is menge etew te Israel.

Ezekiel 23:31

Mid-iringan nu is mibeelan te suled nu he vahi, umbe edsilutan ku zaan sikew iring te kedsiluti ku kandin.

Ezekiel 23:10

Midlevasan dan sikandin, migkuwa zan is menge anak din, ne midhimetayan dan sikandin pinaaǥi te ispada. Tenged te nehitavù he kedsiluti kandin nehimu sikandin he ed-ituken te menge vahi.

Jeremias 3:8

Midsuwayan ku is Israel ne midsegseg ku tenged te kebpekimaama zin. Piru minsan pa te iyan heini wazà mehandek is meluiven he suled din he iyan is Juda.

Isaias 9:6

Egkelipey pa zaan sikandan su id-anak is batà he maama ne edhedian key zin. Egngezanan sikandin te, “Egkein-inuwan he Sumesambag, Mekeǥeǥehem he Megbevayà, Wazà Pidtemanan he Emey, wey Pengulu he Ebpekeveǥey te Kelinew!”

Isaias 7:14

Umbe iyan mismu is Nengazen ebeǥey keniyu te tuus. Ne iyan heini tuus: Ebmeǥingey is betan-en he vahi ne ed-anak te maama. Ne egngezanan din haazà is batà te ‘Emmanuel.’

2 Hadì 15:29

Hein timpu te kedhadì ni Peka, midsurung ni Hadì Tiglat Piliser he hadì te Asiria is Israel, ne naaǥew zin is menge inged he Ion, Abel Bet Maaca, Janoa, Kedesh, wey Hazor. Naaǥew zin daan is Gilead, Galilea, wey tivuuk he tanà te Naftali. Ne mid-uwit din diyà te Asiria is menge meǥinged kayi su mibihag din.

2 Hadì 10:17

Kebpekeuma ni Jehu ziyà te Samaria mibpenhimetayan din is langun he nesamà te pemilya ni Ahab, he sungkad te nekaǥi te Nengazen pinaaǥi ki Elias.

Hoseas 9:17

Migkaǥi si Hoseas te, “Idselikwey te Megbevayè ku is menge tig-Israel su wazè dan mebpezumazuma kandin. Umbe minsan hendei he nasyun is egkepeveyaan dan.”

Hoseas 2:22

is menge trigu, paras, wey ulibu para keniyu te migngezanan te Jezreel.

Hoseas 2:13

Edsilutan ku sikandin su zuen menge timpu he midtutung sikandin te veyewà diyà te ledawan ni Baal. Inseluub din is menge elahas din ne midal-as din is menge kumpadi zin, ne siak mulà, ne midlipatan e zin en. Iyan a, is Nengazen, is migkaǥi kayi.

2 Hadì 15:8

Nehimu he hadì diyà te Israel si Zacarias he anak ni Jeroboam II hein ike-38 he tuig te kedhadì ni Azaria ziyà te Juda. Diyà te Samaria med-ubpà si Zacarias, ne midhadì sikandin seled te heenem he vulan.

Jeremias 20:3

Ne sunud he andew impeǥawas ni Pashur si Jeremias. Ne migkeǥiyan sikandin ni Jeremias te, “Pashur, mid-ilisan en te Nengazen is ngazan nu. Guntaan iyan en igngazan kenikew si Magor Misabib (he ke và dà egkegiya, ‘Is Etew he Layun Egkeherati’).

Josue 19:18

Iyan heini menge inged he nesakup dan: Jezreel, Kesulot, Shunem,

2 Hadì 10:1

Duen 70 he kevuwazan ni Ahab diyà te Samaria. Umbe mibpeuwitan ni Jehu te surat is menge upisyal zutun te inged, menge ebpemendumala, wey menge peraatur te menge kevuwazan ni Ahab. Iyan heini taǥù te surat:

Isaias 8:3

Ne midhilevetan ku is esawa ku he ebpeneuvan, ne mibmeǥingey sikandin ne mid-anak te maama. Migkaǥi is Nengazen kayi te kedì te, “Ngezani nu heeyan is batà te Maher Shalal Hash Baz.

Amos 9:8

Siak, is Nengazen he MEGBEVAYÀ, edtengteng a keniyu te mezaat he ginhedian. Ne edezeetan ku sikiyu taman te egkahanew kew kayi te kelibutan. Piru zuen egkesamà keniyu te menge kevuwazan ni Jacob. Iyan a, is Nengazen, is migkaǥi kayi.