Genesis 8:21 - Manobo Western Bukidnon OT

²¹ Ne nahazek te Nengazen is kehemut te evel zutun, ne ke sikandin diyà te ǥehinawa zin te, “Kenè ku en maan edezeetan is menusiyà, minsan netuenan ku en he mekesesalà sikandan puun pa te ked-enaka kandan. Kenè ku en maan ed-umanan edlimasa iring te mibeelan ku.

Genesis 8:21 Referans Kwoze

Jeremias 17:9

Utew limbungan is gehinawa te etew ne wazà meupiya he egkehimu zin. Hentei is egketau ke sengemenu is kezaat kayi?

Genesis 6:5

Ne naahà te Nengazen he utew mezakel is menge kelelalung he ebeelan te menge etew wey iyan dà layun ed-isipen wey ed-ul-ulahan dan is mezaat.

Ezekiel 20:41

Emun egkekuwa ku en sikiyu puun diyà te nekedseselekawà menge nasyun he zutun kew mekepeyapat, edewaten ku sikiyu he iring te pemuhat he veyewà he mehemut. Pinaaǥi kayi te ebeelan ku ziyà te keniyu igkepeehè ku ziyà te keniyu is kegkewaǥas ku egkaahà heini te menge zuma he nasyun.

Leviticus 1:13

Kinahanglan he lùlui zuen te nemuhat is menge vahin he ziyà te seled te ǥetek wey is menge paa kayi. Ne iyan en haazà is memumuhat edtutung dutun te langun diyà te pemuhatà te pemuhat he edtutungen. Is kehemut kayi he pemuhat te pinaaǥi te hapuy ne ebpekepenunuat te Nengazen.

Megwewali 7:20

Wazà etew kayi te kelibutan he layun dà metazeng is menge vaal zin wey kenà egkesayep.

Leviticus 1:9

Kinahanglan he lùlui duen te nemuhat is menge vahin he ziyà te seled te ǥetek wey is menge paa zuen te vaka. Ne kegkepasad, iyan en is memumuhat edtutung kayi te langun diyà te pemuhatà, iyan heini pemuhat he edtutungen. Is kehemut kayi he pemuhat te pinaaǥi te hapuy ne ebpekepenunuat te Nengazen.

Genesis 3:17

Ne zutun migkeǥiyan te Megbevayà is maama te, “Tenged te mibpemineg ka te esawa nu ne migkaan ka zuen te veǥas te kayu he indawey ku he ke siak te, ‘Kenè niw heeyan keena,’ ne edrewakan ku is tanà tenged keniyu. Ne taman te kenè ke pa ebpatey wey ke zà ebpekekaan te veǥas te edtuvù dutun te tanà ke egkerasey ka he edhaǥù.

Isaias 53:6

Iring kiw is langun te nengetazin he menge kerehidu; is kada sevaha kenitew ne iyan en mibeelan din is egkesuatan din. Piru iyan sikandin impaantus te Nengazen te silut he para pezem kenitew te langun.

Salmo 58:3

Is menge lalung, ebpekeziyuan dan is Megbevayà ne edtarùtarù dan puun pa te kegkeetew zan.

Salmo 51:5

Lalung a wey mekesesalà a puun pa te kegkeetew ku.

Jeremias 18:12

Piru edtavak is menge etew te, ‘Kenè en egkehimu! Edsiguduwan dey en is menge vaal zey; edsunuzen dey is kenà kegkemepezumdumahan te gehinawa zey!’ ”

Erubasa 20:9

Wazà minsan hentei he ebpekekaǥi he wazà mezaat diyà te ǥehinawa zin; ne wazè din salà.

Job 14:4

Duen be etew he wazà kurang is kegkelumpiyu zin? Wazà! Su is langun, neetew he meremerik.

Leviticus 1:17

Baasa zin haazà is tagbis pinaaǥi te keguyud te menge pakpak kayi he kenè din daan ebpitasen. Ne tutunga zin haazà is tagbis diyà te pemuhatà he iyan en pemuhat he edtutungen. Is kehemut kayi he pemuhat te pinaaǥi te hapuy ne ebpekepenunuat te Nengazen!

Exodus 29:25

Ne kuwaa nu haazà is menge supas diyà te menge velad dan, ne tutunga nu zutun te pemuhatà duma te pemuhat he edtutungen. Is kehemut kayi he pemuhat te pinaaǥi te hapuy ne ebpekepenunuat kedì.

Exodus 29:18

Ne tutunga nu haazà duen te pemuhatà su pemuhat haazà he edtutungen para kedì. Is kehemut kayi he pemuhat te pinaaǥi te hapuy ne ebpekepenunuat kedì.

Genesis 6:17

Su ibpelapey ku is langun he menge wahig dini te tanà su wey melimas is minsan hengkey he egeǥehinawa zini te kelibutan. Ne egkeǥerà is minsan hengkey zini te tanà.

Jeremias 8:6

Mibpurungan ku pemineǥa is menge lalag niw ne wazà nekaǥi niw he hustu. Wazà minsan sevaha keniyu he mid-engked te kelelalung din. Wazà nekekaǥi keniyu te, ‘Utew mezaat is neveelan ku?’ Is kada sevaha keniyu elistu he ebaal te salà, iring te kudà he ed-untuzan te edhendiyà te tebek.

Isaias 65:6

Migkaǥi pa is Nengazen te, “Pemineg kew! Kayi en te etuvangan ku is insurat ku he hukum ku te menge etew ku. Kenà a ebpereremek, kekenà, ebales a. Ebelesan ku sikandan. Ebpeveyazan ku kandan is langun he menge salè dan wey is menge salà te menge kepuun dan. Su edtutung man sikandan te veyewà wey edsumpeliten e zan diyà te menge vuntud wey menge vuvungan. Umbe ebelesan ku sikandan te timbang te mibeelan dan.”

Isaias 48:8

Wazè niw mezineg wey mesavut heini he menge hitavù su puun pa zengan mibpevevengel kew en. Netuenan ku ke sengemenu is kemeluiven niw, su puun pa te kegkeetew niw ne menge mesinupaken kew en.

Isaias 47:15

Ne hengkey is egkehimu te menge etew he ebuyuan nu te sambag puun te vatè ke pa? Ne netazin is kada sevaha kandan ne kenè dan ebpekelibri kenikew.

Isaias 47:12

Sigi, ipelaus nu en is kegkeselemengkiru nu wey lamat he ebeelan nu puun te vatè ke pa. Kela ke mebmezeeǥen ka, etawa egkahandek is menge kuntada nu.

Leviticus 26:31

Ebengkaǥen ku is menge inged niw wey menge simbahan niw, ne kenà ebpekepenunuat kedì is hemut te menge pemuhat niw.

Genesis 5:29

Ne migngezanan din ki Noe su ke sikandin te, “Pinaaǥi kayi te vatà malù ebmahagkap is meveǥat he terebahu tew te kebasuk he imbeǥey kenitew tenged te midrewakan dengan te Nengazen is tanà.”

Genesis 4:12

Minsan duen ibpemula nu kayi te tanà ne ebpengelinteuwan ku he kenè en ebeǥasan heini. Wazè en egketendù he egkeubpaan nu umbe ebpekeriǥuriǥu ke zà te minsan hendei zini te lumpad.”

Genesis 6:7

Umbe ke sikandin te, “Edlumpiyuwan ku is kelibutan su edlimasen ku zutun is menge etew he linimbag ku. Edhimetayan ku is menge etew, menge langgam, menge keranapranap wey is menge tagbis he ziyà te hewhewanan, su deyzey pa pezem ke wazè ku sikandan limbaǥa.”

Genesis 6:13

ne migkaǥi sikandin diyà te ki Noe te, “Neisip ku en he edlimasen ku is tivuuk he menusiyà. Su tenged kandan, nekeeneb te kelibutan is kelelalung, ne tenged dutun id-awè ku sikandan dini te tanà.

Leviticus 4:31

Ne kuwaa zin is langun he tavà duen te kambing iring te ebeelan duen te pemuhat he uyaǥen he pemuhat he para te meupiya he kedepità. Ne kegkepasad dutun, tutunga zin is tavà diyà te pemuhatà he mehemut he pemuhat he ebpekepenunuat te Nengazen. Ne pinaaǥi kayi te ebeelan te memumuhat, egkevelukasan is etew puun te menge salè din, ne ebpeseyluwen sikandin te Nengazen.

Leviticus 8:28

Ne kegkepasad te kebeyawa kayi, migkuwa heini ni Moises diyà te kandan ne midtutung din diyà te pemuhatà duma zuen te pemuhat he edtutungen. Pemuhat heini he para te kedhimuwa te memumuhat he memumuhat. Is kehemut kayi he pemuhat te pinaaǥi te hapuy ne ebpekepenunuat te Nengazen.

Numero 15:3

ne pemuhat kew te para kediey te menge ibpemuhat he ebpuun te menge uyaǥen niw. Pemuhat kew te menge pemuhat he edtutungen, menge pemuhat para te kedtuman te menge penaad, menge pemuhat he kineugelingen he suat, etawa menge pemuhat para te kedsilibra te menge pista. Is kehemut kayi te menge pemuhat he pinaaǥi te hapuy ne ebpekepenunuat kedì.

1 Samuel 26:19

Mahal he Hadì, pemineǥa nu is egkeǥiyen ku. Emun iyan is Nengazen edsuǥù kenikew te kedhimatey kedì, deyzey pezem ke egkehizuwan e zin pinaaǥi te kedewata zin te pemuhat ku. Ne emun ketau zà te etew, ne deyzey pezem ke rewaki sikandan te Nengazen. Su impepelaǥuy e zan puun te tanà he gaked te Nengazen ne migkeǥiyan e zan te ibpesilbi ad te zuma he menge ed-ezapen.

Salmo 58:4

Mevisa sikandan iring te menge uled. Iring sikandan te zurepu he kenà ebpemineg te laǥeng te metau he ebmansu te uled.