Genesis 5:4 - Manobo Western Bukidnon OT

⁴ Ne puun dutun te ked-enaka ki Set, 800 pa he tuig is keluǥayad te untung ni Adan, ne zuen duma pa he menge anak din he maama wey vahi.

Genesis 5:4 Referans Kwoze

Genesis 5:30

Ne puun dutun te ked-enaka ki Noe, 595 pa he tuig is keluǥayad te untung ni Lamec, ne zuen duma pa zaan he menge anak din he vahi wey maama.

Genesis 5:26

Ne puun dutun te ked-enaka ki Lamec, 782 pa he tuig is keluǥayad te untung ni Metusela, ne zuen duma pa zaan he menge anak din he maama wey vahi.

Genesis 5:22

Ne puun dutun te ked-enaka ki Metusela, 300 pa he tuig is keluǥayad te untung ni Enoc, ne zuen duma pa zaan he menge anak din he vahi wey maama. Dutun he timpu utew meupiya is kedepità ni Enoc wey Megbevayà, umbe nekeuma te 365 is keluǥayad te untung din ne nahanew sikandin, su midtulus sikandin te Megbevayà.

Genesis 5:19

Ne puun dutun te ked-enaka ki Enoc, 800 pa he tuig is keluǥayad te untung ni Jared, ne zuen duma pa zaan he menge anak din he maama wey vahi.

Genesis 5:13

Ne puun dutun te ked-enaka ki Mahalalel, 840 pa he tuig is keluǥayad te untung ni Kenan, ne zuen duma pa he menge anak din he maama wey vahi.

Genesis 5:10

Ne puun dutun te ked-enaka ki Kenan, 815 pa he tuig is keluǥayad te untung ni Enosh, ne zuen duma pa he menge anak din he maama wey vahi.

Genesis 5:7

Ne puun dutun te ked-enaka ki Enosh, 807 pa he tuig is keluǥayad te untung ni Set, ne zuen duma pa he menge anak din he maama wey vahi.

Salmo 144:12

Berakat he is menge anak dey he maama, te vetan-en dan pa ne meiring sikandan te pinemula he mehinuvù. Henduen ded daan is menge anak dey he vahi su iyan maan meiringi zan is menge tukud he mekempet diyà te turuǥan.

Salmo 127:3

Is menge anak beǥey wey gasa he ebpuun te Nengazen.

Genesis 11:12

Hein 105 en is penuiǥen ni Arfaxad nevuwad sikandin ki Shela.

Genesis 9:7

Ne mesigudu kew mevuwad wey kew mebmezakel ne wey kew mekeeneb te tivuuk he kelibutan.”

Genesis 9:1

Ne zutun midtuvazan te Megbevayà si Noe wey is menge anak din, ne ke sikandin te, “Mevuwad kew ne mebmahabet kew utew su wey meeneb is kelibutan te menge etew.

Genesis 1:28

Ne midtuvazan sikandan te Megbevayà ne migkeǥiyan din sikandan te, “Mevuwad kew ne mebmehabet kew su wey niw meeneb is kelibutan. Iyan kew mebayàbayà dini te tanà. Iyan kew mebayàbayà te menge isdà diyà te zaǥat wey te menge tagbis he ebpemenlayang diyà te hewhewanan wey te menge linimbag he egeǥehinawa he edhipanew zini te tanà.”

Genesis 5:3

Hein 130 en is penuiǥen ni Adan nevuwad sikandin te maama he utew midsempù kandin ne migngezanan din ki Set.

Genesis 5:5

Ne hein 930 en he tuig is penuiǥen din, minatey sikandin.