Genesis 44:26 - Manobo Western Bukidnon OT

²⁶ Ne migkaǥi key zutun he kenè key ebpekelikù. Wey key zà ebpekelikù ke egkezuma zey is hazi zey su migkaǥi key he kenà egkehimu he ebpekeetuvang key kenikew emun kenà ebpekezuma is hazi zey.

Genesis 44:26 Referans Kwoze

Genesis 44:25

Ne zuen timpu he migkaǥi is amey zey he kinahanglan he medlikù key kayi te Ehipto wey key mekepemasa en maan te egkeenen.

Genesis 44:27

Ne zutun migkaǥi kenami is suluǥuen nu he amey zey, ke sikandin te, ‘Netuenan niw he zuen dezuwa he maama he in-anak te esawa ku.

Genesis 42:15

Egezaman ku sikiyu wey ku metueni ke tutuu ve is migkaǥi niw. Idsesapè ku he mintras uuyag pa is hadì te Ehipto ne kenè kew ebpekaawà kayi emun kenà edhendini is hazi niw.

Genesis 44:12

Ne zutun midsusi te suluǥuen is saku te kada sevaha puun dutun te kakey kandan pehendiyà te kineheziyan, ne ziyè din meturedu is tasa te saku ni Benjamin.