Genesis 44:20 - Manobo Western Bukidnon OT

²⁰ Ne midtavak key te duen dey iyan amey he meǥurang en utew wey zuen dey pa hazi he in-anak te meǥurang en utew is amey zey. Iyan dà sikandin nesamà te menge anak te iney zin su minatey en is kakey zin. Ne utew sikandin pinelanggà te amey zey.

Genesis 44:20 Referans Kwoze

Genesis 37:3

Ne si Jacob, edhuna is kebmahala zin ki Jose kenà haazà is duma he menge anak din, su ǥeina te meǥurang en sikandin te kegkeetew ni Jose. Umbe mibpetehìan din si Jose te meupiya he visti wey melayat.

Genesis 42:38

Piru midtavak si Jacob te, “Kenà egkehimu he ibpezuma ku keniyu si Benjamin. Minatey en is kakey zin ne iyan dà sikandin nesamà is sebsevaha. Kele ke zuen mezaat he egkeulaula kandin diyà te hipenawan, ne siak meǥurang e en, kela ke iyan ibpatey ku is kegkeseeng ku.”

Genesis 49:8

“Sikew Juda, edeliǥen wey edtehuzen ka te menge suled nu. Ne egkezaag nu is menge kuntada nu.

Genesis 46:21

Is menge anak he maama ni Benjamin ne iyan si Bela, si Beker, si Ashbel, si Gera, si Naaman, si Ehi, si Rosh, si Mupim, si Hupim, wey si Ard.

Genesis 42:36

Ne migkaǥi si Jacob diyà te kandan te, “Pinaaǥi keniyu egkeewaan a te menge anak ku. Su minatey en si Jose, neewaan a ni Simeon, ne egkuwaan niw pe bes si Benjamin? Utew e en nerasey.”

Genesis 42:13

Ne midtavak dan te, “Sikami, datù, is menge suluǥuen nu, ne sepulù key wey zezuwa he menge anak te sevaha zà he etew. Diyè pa is amey zey te Canaan. Diyà daan te kandin is hazi zey. Duen pa sevaha he hazi zey he minatey en.”

Genesis 37:19

Ke sikandan te, “Heeyan en kes meneneǥeinep is ebpelingguma.

Genesis 35:18

Ne hein edluwèluwe en te ǥehinawa si Raquel, migngezanan din is anak din ki Ben Oni. Piru migngezanan mulà ni Jacob haazà is batà ki Benjamin.