Genesis 4:4 - Manobo Western Bukidnon OT

⁴ Ne si Abel mulà migkuwa sikandin te kinekekayan duen te menge uyaǥen din ne midlapè din, ne impemuhat din is kineupiyahan he vahin diyà te Megbevayà. Nelipey is Nengazen ki Abel wey zuen te pemuhat din,

Genesis 4:4 Referans Kwoze

Erubasa 3:9

Beǥayi nu te zengeg is Nengazen pinaaǥi te kedhelaza nu te ketiǥeyunan nu wey te egkehuna he veǥas te langun he menge pinemula nu.

Exodus 13:12

iveǥey niw ziyà te Nengazen is kada penganey he maama etawa meemahan he uyaǥen. Su ǥaked sikandan te Nengazen.

Numero 18:17

Piru kenè niw mulà ipelekat is kinekekayan he tudu he vaka, kerehidu, etawa kambing su kediey en haazà. Lepaa niw heini ne ipirik niw is lengesa kayi ziyà te pemuhatà ne tutunga niw is menge tavà he pemuhat pinaaǥi te hapuy. Is kehemut kayi he pemuhat te pinaaǥi te hapuy ne ebpekepenunuat kedì.

Salmo 20:3

Berakat he zewata zin is menge halad nu, iring te pemuhat he edtutungen.

2 Cronica 7:1

Hein nekepasad he ebpengemuyù si Solomon, ne zuen hapuy he ebpuun diyà te langit ne nengetutung haazà is pemuhat he edtutungen wey zuma pa he menge pemuhat, ne is mekeǥeǥehem he kebpekiduma te Nengazen ne nekepenù dutun te valey te Nengazen.

1 Cronica 21:26

Ne mibaal sikandin dutun te pemuhatà para te Nengazen ne nemuhat sikandin te menge pemuhat he edtutungen wey menge pemuhat he para te meupiya he kedepità. Ne mid-ampù sikandin. Ne midtavak sikandin te Nengazen pinaaǥi te kebpevulus te hapuy he ebpuun te langit te kedtutung dutun te menge pemuhat dutun te pemuhatà.

1 Hadì 18:38

Ne segugunà nekeuma is hapuy he ebpuun diyà te Nengazen, ne midtutung dutun te hapuy sikan is pemuhat, sikan is tavun, sikan is menge vatu, wey is tanà, wey mibpemezahan din is wahig duen te kanal.

Genesis 15:17

Ne midsanlep en is andew ne mibmerusirem en, ne zuen migkivelat he naahà ni Abram he iring te kuzen he ed-evel wey egkeregreg he ziyà mebayà te pid-elangan dutun te mibaas he imped-aatbang.

Zatù 6:21

Ne insenggir zuen te velinsuǥuen te Nengazen is tuked he egewezan din duen te keenen. Ne segugunà midlepew is regreg puun duen te vatu, ne migkaan dutun te hapuy sikan is usa wey supas. Ne nahanew sikan is belinsuǥuen.

Numero 18:12

Imbeǥey ku zaan keniyu is meupiya he menge sebpet he idhalad te menge Israilihanen he ebpuun te egkehuna he sebpet dan: lana te ulibu, binu, wey trigu.

Numero 16:35

Ne mibpengelinteuwan te Nengazen he medtuvù is hapuy ne neepur sikan is 250 he menge sumusunud ni Kora he nemuhat te veyewà.

1 Hadì 18:24

Ne pengemuyù kew ziyà te keniyu he ed-ezapen he iyan medretem te hapuy, ne ebpengemuyù a zaan diyà te Nengazen. Ne sikan is edretem te hapuy ziyà te tavun, ne iyan tutuu he Megbevayà.” Ne nekeuyun dutun is menge etew.

Genesis 4:3

Ne neuma is andew he nemuhat si Cain diyà te Nengazen. Ne iyan impemuhat din is menge veǥas te menge pinemula zin.

Numero 16:15

Ne utew nepauk si Moises ne ke sikandin diyà te Nengazen te, “Kenè nu zewata is menge pemuhat dan. Wazà a mekesalà diyà te minsan hentei kandan; wazà minsan sevaha he asnu he migkuwa ku ziyà te kandan.”

1 Samuel 15:22

Midtavak si Samuel te, “Igkelipey ves te Nengazen is kebpemuhat niw kenà is kebpezumazuma kandin? Meupiya is kebpezumazuma te Nengazen kenà is kebpemuhat. Meupiya pa is kebpemineg kandin kenà is kebpemuhat te menge melambeg ke kerehidu.

Megwewali 4:4

Neehè ku he is etew ebpenigudu wey ebeelan din is taman te egkehimu zin su egkesina sikandin te zuma zin. Wazà daan kayi pulus; henduen dà te edal-as ka te keramag.