Genesis 4:16 - Manobo Western Bukidnon OT

¹⁶ Ne mibpekeziyù si Cain te Nengazen, ne ziyà med-ubpà te tanà he Nod he ziyà te zapit te edsilaan te Eden.

Genesis 4:16 Referans Kwoze

Jeremias 52:3

Umbe, hein neuǥet impaawà te Nengazen diyà te lugar zan is menge tig-Jerusalem wey menge tig-Juda wey mekepekeziyù kandin. Neulaula heini ziyà te kandan tenged te kegkepeuki te Nengazen kandan. Ne nekidsukulà si Zedekia te hadì te Babilonia.

Jeremias 23:39

edlipatan ku en sikew ne edsegseǥen ku sikew puun te etuvangan ku. Ne ebey-anan ku heini is inged he imbeǥey ku te menge kepuun niw.

Job 2:7

Umbe, migenat si Setanas puun diyà te etuvangan te Nengazen ne mibpesekitan din si Job pinaaǥi te menge levag he nenuvù puun diyà te igiek din taman te ulu zin.

2 Hadì 24:20

Umbe, hein neuǥet impaawà te Nengazen diyà te lugar zan is menge tig-Jerusalem wey menge tig-Juda wey mekepekeziyù kandin. Neulaula heini ziyà te kandan tenged te kegkepeuki te Nengazen kandan. Ne nekidsukulà si Zedekia te hadì te Babilonia.

2 Hadì 13:23

Piru ingkehizu wey ingkeipeng sikandan te Nengazen tenged te midhimu zin he kebpekid-uyun diyà te ki Abraham, ki Isaac, wey ki Jacob. Ne taman en guntaan ne wazè din sikandan dezeeti etawa ipaawà diyà te lugar zan he zutun kenà sikandin ebpekepekiduma kandan.

Exodus 20:18

Ne hein nezineg duen te menge etew is beransì, wey zaǥing te vudyung, wey hein neehè dan is egkeserasab he kilat, wey evel zutun te vuntud, migkerker sikandan te kegkahandek dan, ne mibpekeziyù sikandan.

Genesis 4:14

Midsegseg a kenikew kayi he tanà wey nekepekeziyù ad kenikew. Ne wazè en egketendù he egkeubpaan ku, umbe ebpekeriǥuriǥu a zini te lumpad. Ne egkehimu he edhimetayan a te minsan hentei he egkeuma ku.”

Genesis 3:8

Ne hein mahapun en dutun he ebpengpengeramag, nezineg dan is Nengazen he Megbevayà he edhiphipanew zutun te pemuleey. Ne haazà is maama wey esawa zin, mid-elesan dan is Megbevayà dutun te menge kayu he ziyà te pemuleey.

Salmo 68:2

Segseǥa nu sikandan iring te evel he idlayap te keramag. Dezeeti nu is menge lalung diyà te etuvangan nu, iringa nu te kendilà he egketunew te hapuy.

Salmo 5:11

Piru berakat he mebmelipayen is langun he menge etew he ziyà med-aput te kenikew. Deyzey ke ebpekeuruhuy sikandan te kegkelipey zan. Ilikey nu te kezeetan is menge etew he mibmahal kenikew su para mebmelipayen sikandan tenged dutun.

Job 20:17

Kenè din en egkeǥezaman is taam te zekelà he lana, gatas wey teneb, he henduen be te edtudà he zezeisey wey zezekelà he menge wahig.

Job 1:12

Migkaǥi is Nengazen diyà te ki Setanas te, “Sigi, kuwaa nu is langun he ziyà te kandin, piru kenè nu sikandin menuwa.” Umbe migenat si Setanas puun te etuvangan te Nengazen.

Genesis 4:17

Ne mid-uvayan ni Cain is esawa zin ne mibmeǥingey ne in-anak din is batà he maama ne migngezanan dan te Enoc. Ne midtukud dutun si Cain te inged ne migngezanan din te Enoc su in-iring din te ngazan te anak din.

Jonas 1:3

Piru wazà mebpezumazuma si Jonas su mibpeleǥuyan din is Nengazen pehendiyà te Tarshish. Midhendiyà sikandin te Jopa, ne zutun duen barku he edhendiyà te Tarshish. Mibayad sikandin te piliti, ne hein nekevayad en, mid-untud dutun te varku he ebpehendiyà te Tarshish su wey zin mepeleǥuyi is Nengazen.