Genesis 33:17 - Manobo Western Bukidnon OT

¹⁷ Piru ziyà mebpevayà ensi Jacob te Sucot, he ke và dà egkeǥiya, “Helungà,” ne hein nekeuma zan diyà, midlelawig si Jacob te helungà te menge uyaǥen din. Umbe Sucot is inngazan dan dutun te inged.

Genesis 33:17 Referans Kwoze

Salmo 60:6

He Megbevayà, migkaǥi ka ziyà te valey nu te, “Ebpekezaag a; ebehinen ku is Shekem wey is Suǥud he Sucot ne ibpemeǥey ku ziyà te menge etew ku.

Zatù 8:5

Ne hein nekeuma zan diyà te Sucot, midhangyù si Gideon diyà te menge meǥinged dutun. Ke sikandin te, “Edhangyù key te keenen. Su utew key en neveley wey utew key en egkevitil, iyan, kinahanglan pa he edel-asen dey is dezuwa he hadì te menge Midianhen he si Zeba wey si Zalmuna.”

Josue 13:27

Is tanà diyà te Suǥud te Jordan, he naangken dan iyan is Bet Haram, Bet Nimra, Sucot, Zafon, wey is nesamà he nesakup te ginhedian ni Hadì Sihon he hadì te Heshbon. Is dulunà diyà te edsenlepan iyan is Wahig he Jordan taman te Ranew te Galilea.

Zatù 8:16

Ne zutun migkuwa ni Gideon sikan is ebpemendumala ziyà te Sucot ne zuen impenurù din kandan pinaaǥi te kedletiguwa zin kandan te zuǥiyen he deisey he kayu.

Zatù 8:8

Puun te Sucot midtekezeg ensi Gideon pehendiyà te Penuel ne midhangyù en maan si Gideon te keenen piru is tavak te menge tig-Penuel iring ded te tavak te tig-Sucot.

1 Hadì 7:46

Mibpeveelan heini ni Hadì Solomon pinaaǥi te selsalan diyà te Suǥud te Jordan, he ziyà te pid-elangan te Sucot wey Zaretan.

Zatù 8:14

Ne nekezakep sikandan te vetan-en he maama he tig-Sucot, ne mid-insaan dan haazà ke hentei is menge upisyal ziyà te Sucot. Ne inlista zin is menge ngazan te 77 he menge upisyal he edumala te Sucot.

Exodus 13:20

Hein mid-awè en is menge Israilihanen diyà te Sucot, ne ziyà sikandan megkampu te Etam, he kilid te sibsivayan.

Exodus 12:37

Midhipanew is menge Israilihanen puun te Rameses pehendiyà te Sucot. Ne 600,000 is kahabet te menge maama zutun te nemenhipanew ne zuen pa menge vahi wey menge vatà.

Genesis 33:16

Ne zutun he andew migenat si Esau is ed-ulì diyà te Seir.