Genesis 32:30 - Manobo Western Bukidnon OT

³⁰ Migngezanan haazà ni Jacob he tanà te Peniel, he ke và dà egkeǥiya, “Neehè ku is dagwey te Megbevayà piru uuyag e zed.”

Genesis 32:30 Referans Kwoze

Numero 12:8

Emun ebpekidlalag a kandin, ne iring te ebpeetuvangè key su keladu is kebpekidlalag ku. Ne iring ded te neehè e zin. Piru minsan pa te iyan haazà wazè kew mahandek he egkaǥi te mezaat he ebpekesuǥat diyà te suluǥuen ku he si Moises?”

Genesis 16:13

Umbe migngezanan ni Hagar is Nengazen te, “El-roi,” su ke sikandin te, “Neehè ku ve is Megbevayà, ne kemulu e pa he uuyag guntaan?”

Isaias 6:5

Ne migkaǥi a te, “Mekehizuhizu a! Su kenà duwazuwa he edezeetan a, su mezaat is ebpengeǥiyen ku wey is menge etew he emurè ku, mezaat daan is kandan he ebpengeǥiyen. Ne ǥuntaan neehè ku is Hadì he iyan is Nengazen he Mekeǥeǥehem.”

Deuteronomio 5:24

ne ke sikandan te, ‘Impaahà kenitew te Nengazen he Megbevayè tew is mekeǥeǥehem he kebpekiduma zin kenitew wey is dengeg din, ne nezineg tew is laǥeng din he ebpuun te hapuy. Ne neseksiyan tew ǥuntaan he egkeuyag ded bes is etew minsan ebpekidlalag kandin is Megbevayà.

Exodus 33:14

Ne migkaǥi is Nengazen te, “Edumahan ku sikew, wey ibpehimeley ku sikew.”

1 Hadì 12:25

Mibpeveelan ni Jeroboam te verengbeng is inged he Shekem diyà te vuvungan te Efraim, ne zutun sikandin med-ubpà. Dutun te huziyan he timpu, midhendiyà sikandin te Penuel ne midlig-enan din daan heini.

Zatù 8:17

Ne hein nepasad haazà ne iyan en maan midrundus dan is turi ziyà te Penuel ne mibpenhimetayan dan is menge maama zutun te inged.

Zatù 8:8

Puun te Sucot midtekezeg ensi Gideon pehendiyà te Penuel ne midhangyù en maan si Gideon te keenen piru is tavak te menge tig-Penuel iring ded te tavak te tig-Sucot.

Deuteronomio 34:10

Puun dutun wazè en ebpeneuven diyà te Israel he iring ki Moises te nepurung mekilala te Nengazen.

Genesis 28:19

Migngezanan haazà ni Jacob he lugar te Betel, he ke và dà egkeǥiya, “Baley te Megbevayà.” Piru is inged dutun dengan migngezanan te Luz.

Josue 5:13

Ne hein diyà si Josue te uvey te Jerico, duen etew he neehè din he edhithitindeg diyà te etuvangan din he egkulang te ispada. Ne mid-insaan sikandin ni Josue te, “Sundaru zey ve sikew etawa kuntada zey sikew?”

Genesis 35:9

Ne zutun te timpu he nekeulì ensi Jacob he ebpuun te Padan Aram, mid-uman en maan mebpaahà is Megbevayà diyà te kandin, ne mibpenubtuvazan din si Jacob.

Zatù 13:17

Migkaǥi si Manoa te, “Petueni nu kenami is ngazan nu, su para meveǥayi zey sikew te zengeg emun egketuman en sikan is migkaǥi nu.”

Zatù 13:18

Midtavak haazà is belinsuǥuen te Nengazen te, “Maan is egkesuat ka he metueni nu is ngazan ku? He mereǥen man heini he edsevuten.”

Isaias 9:5

Egkelipey zaan sikandan su egkeengked en is kebpetebtebekà. Ebinsulan is menge yunipurmi te menge sundaru he nengelupit te lengesa, ragkes en is menge butas dan.