Genesis 29:15 - Manobo Western Bukidnon OT

¹⁵ Ne hein senge vulan en is ked-ubpà ni Jacob diyà te ki Laban, migkeǥiyan ni Laban sikandin te, “Kenà meupiya he edterebahu ka kayi te kedì he wazè nu suhul minsan pa te enaken ku sikew. Keǥiyi a kenikew ke hengkey is egkesuatan nu he idsuhul ku kenikew?”

Genesis 29:15 Referans Kwoze

Genesis 31:7

piru midterteruan e zin pa. Kesepulù din en helina is paaǥi zin te kedsuhuli kedì. Piru wazà ituǥut te Nengazen he mezaagdaag e zin.

Genesis 30:28

Keǥiya nu ke pira is idsuhul ku kenikew, su ebeyazan ku sikew.”

Genesis 29:16

Duen dezuwa he anak ni Laban he raǥa. Iyan ngazan te kakey si Lea ne si Raquel is hazi.

Genesis 31:41

Menge 20 en he tuig is ked-ubpè ku ziyan te keniyu, 14 he tuig is kebpenilbi ku kenikew para kayi te zezuwa he anak nu he menge vahi. Ne mid-uman e pa medterebahu te heenem he tuig te kebekidu te menge uyaǥen nu. Piru hengkey heini is mibeelan nu? Ne kesepulù nu en helhelina is suhul ku.

Zatù 9:3

Umbe, mibpekidlalag is menge kezumahan ni Abimelec te menge tig-Shekem. Ne nekeuyun sikandan he si Abimelec is ebpengulu kandan, su ǥeina te kezuzumahi zan sikandin.