Genesis 28:16 - Manobo Western Bukidnon OT

¹⁶ Ne nepukew si Jacob, ne ke sikandin te, “Wazè ku metueni he mibulusan bes te Nengazen heini he lugar.”

Genesis 28:16 Referans Kwoze

Josue 5:15

Ne midtavak haazà is peremandar te menge sundaru te Nengazen te, “Pul-uta nu is sandalyas nu su segradu he lugar heini is nehitindeǥan nu.” Ne midtuman ni Josue haazà is insuǥù kandin.

Exodus 15:11

Wazà ed-ezapen te menge etew he ebpekerepeng kenikew, Nengazen. Wazà ebpekerepeng kenikew te kegkewaǥas nu wey kegkemekeǥeǥehem. Iyan ke zà Megbevayà he mibaal te egkein-inuwan he menge vaal!

Exodus 3:5

Migkaǥi is Megbevayà te, “Kenè ke en utew uvey, pul-uta nu is sandalyas nu su segradu heini is tanà he nehitindeǥan nu.”

Job 33:14

Iyan heini tutuu, layun egkaǥi is Megbevayà, piru wazè dà heini metuusi te etew.

Job 9:11

Emun edseǥazan e zin ne kenè ku sikandin egkaahà wey kenè ku egkeǥezam.

Isaias 8:13

Siak, is Nengazen he Mekeǥeǥehem, kinahanglan he egkilelaan a keniyu he waǥas. Iyan a ereg he egkehendekan niw.

Salmo 68:35

Ebpendeǥubduven ki is ed-etuvang te Megbevayà te Israel ziyà te segradu he ubpeey zin. Ebeǥayan din te ǥehem wey zesen is menge etew zin. Dait he edeliǥen is Megbevayà!

Exodus 3:4

Ne hein naahà sikandin te Nengazen is malù ed-uvey te kedsusi, nezineg din is ked-umew te Megbevayà he ebpuun dutun te teliwazà te egkeregreg he egkaǥi te, “Moises! Moises!” Ne midtavak si Moises te, “Heini e zed.”

Josue 5:13

Ne hein diyà si Josue te uvey te Jerico, duen etew he neehè din he edhithitindeg diyà te etuvangan din he egkulang te ispada. Ne mid-insaan sikandin ni Josue te, “Sundaru zey ve sikew etawa kuntada zey sikew?”

1 Hadì 3:15

Nepukew si Solomon, ne zutun neisip-isip din he nekidlalag kandin is Nengazen pinaaǥi te teǥeinep. Te kedlikù ni Solomon diyà te Jerusalem, midhitindeg sikandin diyà te etuvangan duen te Kavan te Kebpekid-uyun te Nengazen, ne nemuhat sikandin te menge pemuhat he edtutungen wey menge pemuhat he para te meupiya he kedepità. Ne midhimu sikandin te keemuran para te langun he menge upisyal zin.

Salmo 139:7

Hendei e man ebayà para melikayi ku is Mulin-ulin nu? Egkehimu ve he ed-elesan ku sikew?

Jeremias 31:26

‘Hein nepukew a, neǥezam ku he utew meupiya is kedlipezeng ku.’ ”

Numero 12:6

migkaǥi is Nengazen te, “Pemineǥa niw heini: Emun duen ku ebpeneuven diyà te keniyu, ne ebpekidlalag a kandin pinaaǥi te ibpelewasan ku wey ibpeteǥeinep ku.