Genesis 24:48 - Manobo Western Bukidnon OT

⁴⁸ Midlangkeb a su ed-ezapen ku is Nengazen. Midalig ku is Nengazen, he Megbevayà te egalen ku si Abraham. Iyan sikandin mibpeturedu kedì te hustu he lugar, he zutun ku egkaahà is anak te kezuzumahi te egalen ku he egkehimu he esawa te anak din.

Genesis 24:48 Referans Kwoze

Salmo 48:14

he is Megbevayà he edsilbiyan tew ǥuntaan iyan kes Megbevayè tew te wazà pidtemanan. Iyan sikandin egiya kenitew te wazà pidtemanan.

Salmo 32:8

Nengazen, migkaǥi ka kayi te kedì te, “Ibpenurù ku kenikew is dalan he zait he ed-ikulen nu. Ne zutun te kebentayi ku kenikew ne edsembaǥan ku sikew.

Isaias 48:17

“Migkaǥi is Nengazen he Menluluwas niw, he iyan kes Waǥas he Megbevayà te Israel: Iyan a kes Nengazen he Megbevayè niw, nenurù keniyu ke hengkey is meupiya para keniyu wey migiya keniyu pehendiyà te hustu he zalan.

Genesis 24:52

Ne hein nezineg duen te suluǥuen ni Abraham haazà is lalag dan midlangkeb en maan sikandin is ed-azap diyà te Nengazen.

Erubasa 4:11

Mibpenurù ku en sikew ke ebmenmenuwen is kebpengungubpaan he egkezumahan te ketau wey kebpurungpurung.

Salmo 107:7

Impenurù din kandan is dalan he ebpekediritsu zuen te inged he zuen duen menge meǥinged.

Ezra 8:21

Hein diyè key te veyvey te Wahig he Ahava, migkeǥiyan ku is menge zuma ku zutun te grupu zey te ebpuasa key wey ebpekevevaan dey is keugelingen dey ziyà te etuvangan te Megbevayè dey su edhangyù key ziyà te kandin he ventayi key zin dutun te hipenawan dey, ragkes is menge anak dey wey menge azen dey.

Exodus 18:20

Ipelaus nu is kebpenurù nu kandan te menge suǥù wey menge sulunuzen he ibpesunud te Megbevayà. Penurua nu sikandan te paaǥi te kebpengungubpaan wey minsan hengkey he ebeelan dan.

Genesis 22:23

Si Betuel, ne zuen anak din he raǥa he si Rebeka. Sikandan is walu ne menge anak ni Nahor ziyà te ki Milca.