Genesis 20:4 - Manobo Western Bukidnon OT

⁴ Piru wazè pa uvayi ni Abimelec si Sara, ne tenged dutun migkaǥi sikandin te, “Nengazen, maan is edhimetayan nu is menge etew ku? Wazà a mekesalà?

Genesis 20:4 Referans Kwoze

1 Cronica 21:17

Migkeǥiyan ni David is Megbevayà te, “Iyan a midsuǥù he ibpepenlista is menge etew. Iyan a nekesalà. Heini he menge etew ne wazè dan peleng he iring te menge kerehidu. Wazè dan neveelan he salà. He Nengazen he Megbevayè ku, iyan e en siluti wey is pemilya ku. Kenè nu ipaantus heini is keet-etawan nu kayi te kemereǥenan.”

2 Samuel 4:11

Guntaan, sikiyu is menge mezaat is menge ulaula edsilutan ku sikiyu te subra pa kayi, su midhimetayan niw is etew he wazè din salà, he ziyè dà edhidhizeǥà te keugelingen din he valey zutun te hizeǥeey zin. Ebpeveyazan ku heini keniyu is kedhimetayi niw kandin para mahanew kew zaan kayi te kelibutan.”

Genesis 20:6

Midtavak is Nengazen te, “Uya, netuenan ku he wazà mezaat he tuyù nu kandin, umbe mibpengelinteuwan ku he kenè ka mekeuvey kandin, su wey ka kenà mekesalà kedì.

Genesis 19:24

Segugunà mibpeuzan is Nengazen te egkeregreg he esupri ziyà te inged he Sodom wey Gomora.

Genesis 20:5

Migkeǥiyan a ni Abraham he etevey zin si Sara, ne si Sara zaan migkeǥiyan e zin he meemahan din si Abraham. Angin ke netuenan ku he esawa zin su wazè ku pezem kuwaa si Sara, iyan, wazè ku metueni.”