Genesis 2:8 - Manobo Western Bukidnon OT

⁸ Ne zutun mibeelan te Nengazen he Megbevayà is pemuleey ziyà te Eden he ziyà te zapit te edsilaan, ne insavuk din dutun haazà is etew he midlimbag din.

Genesis 2:8 Referans Kwoze

Ezekiel 28:13

Diyè ke zengan te Eden, he pemuleey te Megbevayà. Mideyzeyanan ka te nekedseselekawà he kelasi te mahalen he menge vatu: rubi, tupasyu, ismiralda, krisulitu, uniks, haspi, sapiru, turkisu, wey biril. Mideyzeyanan ka zaan te vulawan he in-andam en dutun te andew te kedlimbaǥa kenikew.

Genesis 3:24

Ne hein midsegseg din en haazà is etew, impevantey zin dutun te zapit te pemuleey he Eden sikan is menge velinsuǥuen din he kirubin wey zuen daan egkeregreg he ispada he ebiyuviyu su wey wazà minsan hentei he ebpekehendiyà te kayu he ebpekeveǥey te untung.

Genesis 13:10

Ne zutun mibpememantew si Lot ne neehè din he utew meupiya haazà is tanà he uvey te Suǥud he Jordan su mezakel is menge wahig dutun te zapit te inged he Zoar. Iring haazà te pemuleey te Eden sikan is pemuleey zengan te Nengazen wey iring daan te tanà he Ehipto. (Ne zutun he timpu wazè pa dèdeeti te Nengazen is menge inged he Sodom wey Gomora.)

Joel 2:3

Ebpekedtitinundug is ked-ataki te menge terapan he henduen be te hapuy. Hein wazè pa sikandan med-etaki, is tanà henduen be te iring te pemuleey he Eden, piru hein mid-etaki zan en heini, ne neiring heini te disirtu. Wazè en pinemula he wazè dan mezèdeeti.

Isaias 51:3

“Egkenuǥunan ku utew is Jerusalem he nevengkag. Is menge disirtu kayi edhimuwen ku he iring te Eden he pemuleey ku, egkaahà diyà te Jerusalem is kelipey wey kedlipey wey egkezineg kayi he lugar is kebpeselamat wey menge kegkanta.

2 Hadì 19:12

Mibpendezeetan dengan te menge kepuun ku is menge inged he Gosan, Haran, Resef, wey is menge etew ziyà te Eden he ziyà te Telasar. Ne wazà mekelibri kandan is menge ed-ezapen dan.

Genesis 4:16

Ne mibpekeziyù si Cain te Nengazen, ne ziyà med-ubpà te tanà he Nod he ziyà te zapit te edsilaan te Eden.

Ezekiel 31:16

Egkerkeren tenged te kegkahandek is menge etew ziyà te menge nasyun emun egkezineg dan en is guǥumangkul te kegkezeeti zutun te kayu, emun ed-uwiten en diyà te lugar te menge minatey duma te nemematey he menge etew. Ne is langun he menge kayu ziyà te Eden wey is langun he meupiya wey mekempet he menge kayu ziyà te Lebanon he nekepurung mekesupsup te wahig, edlipey zan diyà te zizalem te tanà.

Ezekiel 31:18

“Sikew is hadì te Ehipto, wazà kayu ziyà te Eden he ebpekerepeng te kekempet nu wey kegkemekeǥeǥehem nu. Piru id-ulug ka zaan diyà te zizalem te tanà duma te menge kayu ziyà te Eden. Dutun egkezuma nu is menge etew he nemematey te tebek he wazà medtuu te Megbevayà. “Iyan heini egkehitavù te hadì te Ehipto wey te menge etew zin. Iyan a, is Nengazen he MEGBEVAYÀ, is migkaǥi kayi.”

Ezekiel 27:23

“ ‘Mibpetiǥayun daan diyà te kenikew is menge tig-Haran, tig-Cane, tig-Eden, wey is menge nigusyanti ziyà te Sheba, Ashur, wey Kilmad.

Genesis 3:23

Ne tenged dutun midsegseg te Nengazen he Megbevayà sikan is menusiyà puun dutun te pemuleey he Eden, ne impevasuk din sikandin duen te tanà he zutun sikandin ebpuun.