Genesis 19:17 - Manobo Western Bukidnon OT

¹⁷ Ne hein diyè dan en te ǥawas, migkaǥi is sevaha he velinsuǥuen diyà te ki Lot te, “Pelaǥuy kew en! Kenè kew lilingey wey kenè kew teren kayi te menge suǥud. Diyè kew petandang te menge vuvungan para kenè kew meragkes mepatey.”

Genesis 19:17 Referans Kwoze

Genesis 19:26

Piru midlilingey sikan is esawa ni Lot su ed-ahaan din is neewaan dan, ne mibaluy sikandin he timus he iring te tukud.

Genesis 19:22

Sigi, pelaǥuy kew. Hendiyan kew en, su wazà egkehimu ku taman te kenè kew pa ebpekeuma zutun.” Ne tenged dutun, egngezanan haazà is inged te Zoar, he ke và dà egkeǥiya, “Deisek.”

Jeremias 48:6

“Libriya niw is keugelingen niw! Pelaǥuy kew ziyà te sibsivayan.

1 Hadì 19:3

Ne nahandek dutun si Elias, umbe mibpelaǥuy sikandin pehendiyà te Beersheba he sakup te Juda, ne intaǥak din dutun is suluǥuen din.

Genesis 13:10

Ne zutun mibpememantew si Lot ne neehè din he utew meupiya haazà is tanà he uvey te Suǥud he Jordan su mezakel is menge wahig dutun te zapit te inged he Zoar. Iring haazà te pemuleey te Eden sikan is pemuleey zengan te Nengazen wey iring daan te tanà he Ehipto. (Ne zutun he timpu wazè pa dèdeeti te Nengazen is menge inged he Sodom wey Gomora.)

Salmo 121:1

Midtengtengan ku is menge vuvungan; hendei ves ebpuun is tavang kediey?

1 Samuel 19:11

Ne zutun midsuǥù si Saul te menge etew he para ibpevantey te valey ni David wey ibpehimatey kandin te kegkepawà. Piru migkeǥiyan si David ni Mical he esawa zin te, “Emun kenè ka ebpelaǥuy guntaan te heini he kezukilemi, keeselem edhimetayan ka.”

Genesis 18:22

Ne zutun migenat is dezuwa he menge maama su edhendiyè dan te Sodom, piru si Abraham, diyè ded edhithitindeg te etuvangan te Nengazen.

Genesis 14:10

Ne haazà is Suǥud he Sidim, mezakel is menge vudsi zutun he nepenù te merumiket he espaltu. Ne nengezaag is menge sundaru te hadì te Sodom wey Gomora, ne hein mibpelaǥuy zan, nengeulug is duma kandan diyà te menge vudsi, is duma, ne mibpelaǥuy zan diyà te menge vuvungan.

Genesis 19:18

Piru midtavak si Lot te, “Egalen ku, kenè ad kenikew epepelaǥuy diyà te vuntud.

Genesis 19:30

Ne mid-awà dutun si Lot wey is menge anak din he raǥa te inged he Zoar su egkahandek sikandin dutun he ed-ubpà, ne ziyè dan medhalin te vuntud, ne ziyè dan med-ubpà te surung.

Numero 16:26

Ne migkeǥiyan din is menge etew te, “Pekeziyù kew ziyà te menge tulda keniyan te lalung he menge etew! Kenè kew ǥawed te minsan hengkey he ǥaked dan, su emun ebeelan niw heini ne edèdeetan kew tenged te langun he menge salè dan.”

1 Hadì 1:12

Emun egkesuat ka he kenè ka mebpatey wey kenà mebpatey is anak nu he si Solomon, tumana nu is idsambag ku kenikew.