Biblia Todo Logo
Bib sou entènèt

- Piblisite -




Genesis 18:2 - Manobo Western Bukidnon OT

2 Mibpememantew si Abraham ne neehè din is tetelu he maama ziyà te uvey. Ne zutun te kegkaahaa zin, migaanggaan medsinuǥung ne midlangkeb diyà te tanà su edtahud.

Gade chapit la Kopi




Genesis 18:2
23 Referans Kwoze  

Ne zutun migenat is dezuwa he menge maama su edhendiyè dan te Sodom, piru si Abraham, diyè ded edhithitindeg te etuvangan te Nengazen.


Ne haazà is dezuwa he menge velinsuǥuen te Nengazen, hein nekeuma zan diyà te inged he Sodom ne mahapun en, diyà si Lot ebpimpinuu te uvey te pultahan dutun te inged. Ne hein neehè din sikandan, midhitindeg sikandin ne midsinuǥung din ne midlangkeb sikandin diyà te tanà te kedtahud, he egkaǥi te,


Duen timpu he mibpaahà te esawa zin is belinsuǥuen te Nengazen ne migkaǥi haazà te, “Taman en guntaan wazè nu pa anak. Iyan, kenà egkeuǥet ne ebmeǥingey ka ne ed-anak ka te maama.


Ne zutun, segugunà midluhud si Abraham diyà te etuvangan te menge Hitihanen he iyan tuus te kebpeselamat din.


Ne hein diyà si Josue te uvey te Jerico, duen etew he neehè din he edhithitindeg diyà te etuvangan din he egkulang te ispada. Ne mid-insaan sikandin ni Josue te, “Sundaru zey ve sikew etawa kuntada zey sikew?”


Ne hein nekeuma si Juda wey is menge suled din, ne zutun ded si Jose te valey zin. Midseled sikandan dutun te valey ne midluhud dan diyà te etuvangan ni Jose.


Ne midtavak dan te, “Uuyag pa is amey zey wey meupiya zed daan sikandin.” Ne mid-uman dan medluhud su ibpeehè dan is kedtahud dan kandin.


Ne hein nekeuma si Jose, midluhud dan he iyan kedtahud dan kandin ne imbeǥey zan is menge igasa zan.


Ne hein iyan dà si Jacob netaǥak dutun, duen nekeuma he sevaha he maama ne mibuteng din si Jacob. Mibuteng sikandan taman te egkepawà.


Ne migenat en dutun haazà is tetelu he maama. Inhated sikandan ni Abraham taman te nepantew zan is inged he Sodom.


Ne si Ruth, hein nezineg din haazà is migkaǥi ni Boaz, ne midluhud sikandin su iyan betasan dan te kedtahud, ke sikandin te, “Maan is egkehizuwan a wey edtevangan a kenikew is lumelengyawà dà dini te keniyu?”


Ne hein naahà haazà te grupu te menge ebpeneuven he ebpuun diyà te Jerico is nehitavù, ke sikandan te, “Diyà en bes te kandin is gehem ni Elias!” Umbe midsinuǥung dan sikandin ne midluhud dan su ibpeehè dan is kedtahud dan kandin.


Ne zutun midlangkeb si Abram diyà te tanà ne migkaǥi en maan kandin is Megbevayà te,


Ke sikandin te, “Datù, emun meupiya zà te ǥehinawa niw, ne tuluy kew zèpa kayi te kenami.


Duen timpu zutun ne malù en merusirem, migawas sikandin te valey ne midriǥuriǥu. Duen nepantew zin he kemilyu he ebpelingguma.


Ne mid-uman si Abraham medluhud he tuus te kebpeselamat din diyà te etuvangan te menge meǥinged dutun,


Ne iyan si Jose gubirnedur te tivuuk he ǥinhedian te Ehipto, iyan sikandin ebelegyà te egkeenen diyà te tivuuk he menge meǥinged dutun. Ne zutun te kebpekeuma te menge kakey zin, midluhud dan diyà te etuvangan ni Jose he iyan kedtahud dan.


Ne migkuwa ni Jose is menge anak din he midsekepu ni Israel, ne midlangkeb sikandin he iyan kedtahud din te amey zin.


Swiv nou:

Piblisite


Piblisite