Genesis 14:6 - Manobo Western Bukidnon OT

⁶ wey is menge Hurhanen diyà te menge vuvungan he Seir taman te inged he El Paran he ziyà te uvey te tanà he sibsivayan.

Genesis 14:6 Referans Kwoze

Deuteronomio 2:22

Ne iring ded keniyan is paaǥi te Nengazen te kedtavang te menge kevuwazan ni Esau he menge meǥinged diyà te Seir. Su mibpengelinteuwan gihapun te Nengazen he mezaag dan is menge Hurhanen. Ne midsegseg dan is menge Hurhanen ne iyan sikandan mid-ilis med-ubpà dutun he tanà taman en guntaan.

Deuteronomio 2:12

Iyan aney he meǥinged diyà te Seir is menge Hurhanen, piru midezeetan wey midsegseg sikandan te menge kevuwazan ni Esau, ne iyan en sikandan midliwan med-ubpà dutun, iring is mibeelan dan te mibeelan te menge Israilihanen diyà te menge Canaanhen hein egkuwaan dan haazà is tanà he imbeǥey kandan te Nengazen.)

Numero 13:3

Umbe, midtuman ni Moises haazà is insuǥù te Nengazen kandin. Impehendiyè din te Canaan is menge pengulu te menge Israilihanen puun diyà te sibsivayan he Paran.

Numero 12:16

Ne liwas dutun mid-awè dan diyà te Hazerot ne ziyè dan megkampu te sibsivayan he Paran.

Habakuk 3:3

“Iyan ka kes Waǥas he Megbevayà he ebpekeuma he ebpuun te Teman wey te Buntud he Paran, ne is gehem nu egkaahà diyà te langit, ne tenged kayi edeliǥen ka te menge etew kayi te kelibutan.

Numero 10:12

Ne midhipanew is menge Israilihanen puun te sibsivayan he Sinai ne edhalinhalin te menge lugar, taman te mibpundu sikan is gapun diyà te sibsivayan he Paran.

Genesis 36:8

Umbe, si Esau (he egngenazan daan ki Edom) diyà med-ubpà te menge vuvungan he Seir.

Genesis 16:7

Ne zutun naahà si Hagar te velinsuǥuen te Nengazen diyà te uvey te serebseb he ziyà te sibsivayan. Iyan haazà sikan is serebseb he ziyà te zalan pehendiyà te inged he Shur.

Genesis 32:3

Ne zuen menge midsuǥù ni Jacob he impehuna zin diyà te ki Esau ziyà te tanà he Seir, kes lugar he egngezanan daan he Edom.

1 Hadì 11:18

Diyè dan ebpuun te Midian ne midhendiyè dan te Paran. Ne zuma te zuma he menge tig-Paran midhendiyè dan te Ehipto ne mibpekidhinguma zan te Faraon he hadì te Ehipto. Mibeǥayan duen te hadì si Hadad te valey, tanà, wey keenen.