Genesis 13:4 - Manobo Western Bukidnon OT

⁴ Ne iyan daan haazà inged he zuen pemuhatà he mibeelan din dutun. Ne mid-umanan din dutun pengum-umawa is Nengazen.

Genesis 13:4 Referans Kwoze

Jeremias 29:12

Ne edsampit kew wey ebpengemuyù kayi te kedì, ne zutun ebpemineǥen ku sikiyu.

Isaias 58:9

Emun ed-umawen a keniyu su ebpetavang kew, edtevaken ku sikiyu. “Emun ed-engkezan niw is kebpendaagdaag, is kebpemesangil te binèbeelan dà, wey is kegkaǥi te mezaat,

Zefanias 3:9

Ne zutun ebeg-uwen ku is menge etew su wey zan pudu medangep kayi te kedì ne egkesevaha zan is ebpenilbi kedì.

Salmo 116:2

Ne ǥeina te ebpemineǥen e zin, ne kenà a ed-engked he ebpengumew kandin mintras uuyag e pa.

Salmo 145:18

Uvey nu zà, Nengazen, is langun he epengumew-umew kenikew te tinutuuwà.

Salmo 116:17

Ed-ezapen ku sikew ne edhalad a para te kebpeselamat kenikew.

Salmo 107:15

Ereg sikandan he ebpeselamat te Nengazen tenged te ǥaǥew zin wey te egkein-inuwan he menge vaal zin diyà te menge etew.

Salmo 107:1

Peselemati is Nengazen, su meupiya sikandin; wazà pidtemanan te ǥaǥew zin.

Salmo 84:10

Is senga andew he ked-ubpà diyà te valey nu ne meupiya pa te nengkelibu he andew he ked-ubpà diyà te minsan hendei he lugar. Edtumuen ku is kedhithitindeg diyà te ǥemawan te valey nu, He Megbevayà, kenà is ked-ubpà diyà te valey te menge lalung.

Salmo 107:8

Ereg sikandan he ebpeselamat te Nengazen tenged te ǥaǥew zin wey te egkein-inuwan he menge vaal zin diyà te menge etew.

Salmo 26:8

Nengazen, mahal ku is baley he ubpeey nu, he iyan kes lugar he zutun egkaahà is kegkemekeǥeǥehem nu.

Genesis 13:18

Ne zutun inhalin ni Abram is tulda zin, ne ziyà sikandin med-ubpà te uvey te menge kayu he ulayan ni Mamre he ziyà te Hebron, ne mibaal sikandin te pemuhatà para te Nengazen.

Genesis 4:26

Ne hein neuǥet, nevuwad daan si Set te maama ne migngezanan din ki Enosh. Iyan haazà timpu zengan he ebpuunan te menge etew is paaǥi te ked-azap he egemiten is ngazan te Nengazen dutun te kebpengumew-umew zan.

Genesis 26:25

Umbe mibaal si Isaac dutun te pemuhatà ne mid-azap te Nengazen. Impehitindeg din dutun he lugar is tulda zin ne impevangbang din is menge suluǥuen din te kalut.