Genesis 12:17 - Manobo Western Bukidnon OT

¹⁷ Piru tenged ki Sarai, he esawa ni Abram, duen utew gerabi wey egkein-inuwan he zaru he imbeǥey te Nengazen diyà te hadì te Ehipto wey te langun he menge etew ziyà te turuǥan din.

Genesis 12:17 Referans Kwoze

1 Cronica 16:21

Piru wazà medtuǥut is Megbevayà he edèdaaǥen sikandan. Para mepengelangi sikandan, midawey zin is menge hadì he ebpekigkuntada kandan. Migkaǥi sikandin te,

1 Cronica 21:22

Migkeǥiyan ni David sikandin te, “Ivelegyè nu kedì heini is gunasè nu para ebpehitindeǥan ku te pemuhatà para te Nengazen, wey meengked en is kedlimasa te menge etew. Ebeyazan ku sikew ke pira is bali kayi.”

Job 34:19

Wazè din ibpelavi te menge pengulu; wazè din peburi is menge sepian lavew te menge pubri, su pudu zin sikandan linimbag.

Genesis 20:3

Sevaha zutun he mezukilem, mibpeteǥeinep is Nengazen ki Abimelec he egkaǥi te, “Ebpengelinteuwan ku he mebpatey ka, su haazà is bahi he migkuwa nu, duen din en esawa.”

Genesis 20:17

Tenged te kegkuwaa ni Abimelec ki Sara, mibpengelinteuwan te Megbevayà he kenà mekaanak is langun he menge vahi zutun te valey zin. Umbe mid-ampù si Abraham diyà te Megbevayà, ne mibpengelinteuwan te Megbevayà he meulii si Abimelec te zaru zin wey is esawa zin wey is menge uripen din he vahi su wey zan mekeuman mekaanak.