Genesis 1:9 - Manobo Western Bukidnon OT

⁹ Ne migkaǥi zutun is Megbevayà te, “Mesevaha ziyà te sevaha he lugar is wahig kayi te kelibutan para medlepew is memaza he lugar.” Ne nehimu haazà.

Genesis 1:9 Referans Kwoze

Jonas 1:9

Ne ke si Jonas te, “Hebriyuhanen a ne iyan ed-ezapen ku is Nengazen, is Megbevayà diyà te langit he iyan midlimbag te zaǥat wey tanà.”

Jeremias 5:22

Wazà niw ve kedtahud kediey? Maan is wazè kew kerkera ziyà te etuvangan ku? Iyan a is Nengazen migkaǥi te mibeelan ku is beyvey he netemanan te zaǥat. Pirmeninti heini he dulunà ne kenà egkelapew. Edtampil kayi is baǥel piru kenè en edlavey is daǥat kayi.

Salmo 95:5

Kandin daan is daǥat wey is tanà su iyan sikandin mibaal kayi.

Megwewali 1:7

Is menge wahig edtudà pehendiyà te zaǥat, ne kenà heini egkepenù. Ne haazà is wahig ne ebpekelikù gihapun diyà te mibpuunan din, ne ed-uman en maan edtudà pehendiyà te zaǥat.

Salmo 33:7

Midtingeb din is wahig te zaǥat he henduen be te intaǥù diyà te gerepun etawa insavuk diyà te budiga.

Job 26:10

Midhimu zin is henduen be te midtelevukaayan te langit wey zaǥat, he iyan taltal te kerayag wey kerusirem.

Salmo 104:3

Mibangun nu is ubpeey nu ziyà te zivavew pa te kewkewangan. Ne iyan midhimu nu he menge kerwahi nu is menge ǥapun, ne ed-untud ka he egkeuwit te keramag.

Job 26:7

Indempas te Megbevayà is dizaya he langit diyà te mehiǥawan he lugar, ne insavuk din is kelibutan diyà te kawangkawang.

Genesis 1:8

Ne haazà is elang, migngezanan te Megbevayà he “hewhewanan.” Ne mibmezukilem dutun, ne hein nepawè en, ne nehimu is ikezuwa he andew.

Nehemias 9:6

Iyan ke zà Nengazen! Mibeelan nu is langit, tanà, daǥat, wey is langun he netaǥù kayi. Ebeǥayan nu te untung is langun he menge linimbag nu, ne ed-ezapen ka te menge velinsuǥuen diyà te langit.