Genesis 1:29 - Manobo Western Bukidnon OT

²⁹ Ne migkaǥi zutun is Megbevayà te, “Idtuǥut ku keniyu he egkeenen niw is minsan hengkey he sagbet he zuen din beǥas wey is minsan hengkey he veǥas te kayu he ebpemeǥas he zuen lisu ziyà te menge veǥas din.

Genesis 1:29 Referans Kwoze

Genesis 9:3

Is minsan hengkey he linimbag he ebpekewaleng he egeǥehinawa, ne idtuǥut ku he egkeenen niw su ibeǥey ku en keniyu, iring te kebeǥaya ku zengan keniyu te menge sagbet.

Salmo 24:1

Is kelibutan wey is langun he ed-ubpà kayi, ne gaked te Nengazen.

Salmo 147:9

Iyan sikandin mibeǥey te egkeenen te menge langgam dini te lumpad. Iring din daan te menge pispis te uwak ke egkinahanglan te egkeenen dan.

Salmo 136:25

Mibeǥayan din te keenen is langun he menge linimbag din. Wazà pidtemanan te ǥaǥew zin.

Job 36:31

Pinaaǥi kayi te ǥehem te Megbevayà, edumelahan din is menge nasyun wey ebeǥayan din te zekelà he egkekaan is menge etew.

Genesis 2:16

Ne haazà is etew, mibpeketelteleenan te Megbevayà he egkaǥi te, “Idtuǥut ku kenikew he megkaan ka te veǥas te menge kayu zini te pemuleey,

Hoseas 2:8

“Wazè din isipa he iyan a mibeǥey kandin te trigu, binu, lana, wey mahabet he menge pelata wey vulawan he mibeelan dan he ledawan ni Baal.

Isaias 33:16

Iyan heini ked-etew te menge etew he ebpekelingkawas te vangkit, ne iring te ziyè dan med-ubpà te metikang he menge lugar, ne iyan egkehimu he endilungè dan is dezekelà he menge vatu. Ne kenà sikandan egkeewaan te keenen wey wahig.

Salmo 146:7

Is kedhukum din ne edapig diyà te menge edèdaaǥen. Wey iyan sikandin ebeǥey te keuyaǥan te langun he egkinahanglan kayi. Ibpelingkawas din is menge vihag,

Salmo 115:16

Gaked dà te Nengazen is langit piru imbeǥey zin mulà te menusiyà is kelibutan.

Salmo 111:5

ebeǥayan din te keenen is edtahud kandin, ne layun din edtentenuzi is kebpekid-uyun din.

Genesis 6:21

Ne sikew, kinahanglan he idseled nu zaan is minsan hengkey he kelasi te egkeenen su wey zuen egkeenen niw, wey egkeenen daan te menge langgam wey menge keranapranap.”