Genesis 1:24 - Manobo Western Bukidnon OT

²⁴ Ne migkaǥi en maan is Megbevayà te, “Melimbag he ebpuun diyà te tanà is mezakel he kelasi te menge linimbag he egeǥehinawa. Melimbag is menge langgam he menge ayam wey menge leew wey is menge keranapranap.” Ne nehimu haazà.

Genesis 1:24 Referans Kwoze

Job 40:15

“Ahaa nu is langgam he hipuputamus, he linimbag ku iring kenikew. Ebpenabtab dà sikandin iring te vaka,

Genesis 6:20

Is menge tagbis daan sumalà is kelasi zan wey is menge langgam sumalà daan is kelasi zan wey is menge keranapranap daan sumalà is kelasi zan, tig-dezuwa te langun dutun is edhendiyan te kenikew su wey kenè dan melimas.

Genesis 8:19

Ne migawas daan dutun is kada paris te langun he menge kelasi te egeǥehinawa sumalà is kelasi zan: menge langgam, menge keranapranap, wey menge tagbis.

Salmo 148:10

langun he menge langgam: he leew wey is ayam, wey zuma pa he kelasi te langgam he ebpenanap wey ebpemenlayang.

Job 39:5

Hentei is nengelintau wey mekeuyayà is leew he asnu?

Genesis 7:14

Elin daan impeseled dutun is langun he kelasi te menge langgam: he edhipanew, ebpemenanap, wey is ebpemenlayang.

Salmo 104:23

Ne is menge etew ebpemenggawas diyà te menge valey zan su edterebahu zan taman te egkesakep.

Salmo 104:18

Is leew he menge kambing diyà ebpen-ubpà te metikang he menge vuntud, ne sikan is menge badir ziyà ebpen-eles te menge vatu.

Job 39:19

“Job, iyan ke ve mibeǥey te kudà te zesen? Iyan ke ve mibeǥey te keburey ziyà te lieg din?

Job 39:9

“Igkepeterebahu nu ve is baka he simadun? Kenè be heini ed-awà diyà te tudil nu emun mezukilem?

Job 39:1

“Netuenan nu ve ke keenu ed-anak is leew he menge kambing? Nekevantey ke ve te ked-anak te menge selazeng?

Genesis 1:23

Ne mibmezukilem dutun, ne hein nepawè en, ne nehimu is ikelima he andew.

Genesis 2:19

Ne zutun, puun dutun te tanà, midlimbag te Nengazen he Megbevayà is langun he menge leew he menge langgam wey is langun he menge tagbis he ziyà ebpemenlayang te hewhewanan. Ne impeetuvang din haazà is langun dutun te etew su ed-ahaan din ke hengkey is menge igngazan kandan duen te etew. Ne sumalà is igngazan te etew te uman sevaha zutun te linimbag he egeǥehinawa ne iyan en ngazan din.