Ezra 1:1 - Manobo Western Bukidnon OT

¹ Dutun te nehuna he tuig te kedhadì ni Cyrus diyà te Persia, insavuk te Nengazen diyà te ǥehinawa ni Cyrus he medsurat te sevaha he pehibelu he ibpehibelu ziyà te tivuuk he ginhedian din. Nehitavù heini su wey metuman is migkaǥi te Nengazen pinaaǥi ki Jeremias.

Ezra 1:1 Referans Kwoze

Jeremias 29:10

Iyan a, is Nengazen, migkaǥi he emun egketapus en is 70 he tuig he kebpensakup te Babilonia, ne edlikuan ku sikiyu ne edtumanen ku is insaad ku he idlikù ku sikiyu ziyà te keniyu he lugar.

Erubasa 21:1

Is isip te menge hadì ne iring te wahig he iyan ebayàbayà is Nengazen te kedtudè din. Iyan ebayàbayà kayi sikandin sumalà te egkesuatan din.

Ezra 7:27

Migkaǥi si Ezra te: Ereg he edeliǥen is Nengazen, he Megbevayà te menge kepuun tew, he midwaleng din is gehinawa te hadì su wey zin meveǥayi te zengeg is baley te Nengazen diyà te Jerusalem.

Salmo 106:46

Ne mibpengelinteuwan din he mehizuwi sikandan te menge mibihag kandan.

Ezra 6:22

Seled te pitu he andew is melipayen he kedsilibraha zan te Pista te Supas he Wazè din Tapey. Su mibeǥayan dan te Nengazen te kelipey pinaaǥi te kedwelenga zin te ǥehinawa te hadì te Asiria para tevangi zin sikandan te kedterebehuwa zuen te valey te Megbevayà, sikan is Megbevayà te Israel.

Daniel 2:1

Dutun te ikezuwa he tuig te kedhadì ni Nebucadnezar, kepipira sikandin meketeǥeinep. Nekepeliveg kandin haazà is menge teǥeinep din, umbe kenà sikandin ebpekelipezeng.

Ezra 1:5

Duen menge Israilihanen he insavuk te Megbevayà diyà te gehinawa zan is suat te ked-ulì diyà te Jerusalem. Umbe nengandam sikandan te kedhendiyà su ebengunen dan is baley te Nengazen. Duma kandan is menge pengulu te menge pemilya te tribu ni Juda wey te tribu ni Benjamin, is menge memumuhat, wey is menge Levihanen.

Ezra 4:3

Piru iyan heini tavak eni Zerubabel, Jeshua, wey te menge pengulu te menge pemilya: “Midsuǥù key ni Hadì Cyrus he hadì te Persia he umana zey venguna is baley te Nengazen, piru wazè niw kayi lavet te kebangun kayi para te Megbevayè dey. Iyan key zà ebangun kayi para te Nengazen he Megbevayà te Israel.”

Ezra 6:3

“Heini he menge surat ebpetanudtanud he heini nehuna he tuig te kedhadì ni Cyrus, midsuǥù sikandin he ed-umanan ebenguna is baley te Megbevayà diyà te Jerusalem he zutun ibpemuhat is menge pemuhat. Kinahanglan he melig-en is menge pundasyun kayi. Kinahanglan he 90 he ǥiek is ketikang kayi wey 90 zaan he ǥiek is keluaǥan din.

Ezra 6:14

Umbe, mibpedayun te kedterebahu is menge pengulu te menge Judio duma is kedlig-eni kandan te menge lalag te menge ebpeneuven he iyan si Haggai wey si Zacarias he menge apù ni Iddo. Nepasad dan te edterebahu is baley te Megbevayà sumalà te insuǥù te Megbevayà te Israel he impetuman eni Cyrus, Darius, wey Artaserkses, he nekesunud he menge hadì diyà te Persia.

Isaias 44:28

Migkeǥiyan ku si Cyrus te, “Iyan ka ed-elima te menge etew ku, ne veeli nu is langun he egkesuatan ku. Ne suǥù ka he ed-umanan ebenguna is Jerusalem wey is baley kayi.”

Jeremias 1:1

Iyan heini menge lalag ni Jeremias he anak ni Hilkia. Si Hilkia sevaha te menge memumuhat diyà te Anatot he ziyà te tanà ni Benjamin.

Ezekiel 38:5

Eduma ziyà te kandan is menge sundaru ziyà te Persia, Cush, wey Put, he zuen dan menge kelasag wey menge hilmit,

Daniel 6:25

Ne mibpesuratan ni Hadì Darius is langun he menge etew ziyà te nekedseselekawà he menge nasyun, menge kepuun, wey menge kineǥiyan kayi te kelibutan. Ne iyan heini insurat din: “Berakat he meupiya is kebpekesavuk niw.

Isaias 45:1

Iyan heini migkaǥi te Nengazen diyà te ki Cyrus he pinilì din, ne iyan sikandin midlig-en te ǥehem kayi, “Sekupa nu is menge nasyun, ne zaaǥa nu is menge hadì. Puwasi nu is menge pultahan te menge inged dan te ked-aǥew kayi ne kenè en heini edlekevan.

Daniel 1:21

Mibpedayun mebpenilbi si Daniel ki Nebucadnezar taman te nehuna he tuig te kedhadì ni Cyrus.