Ester 6:12 - Manobo Western Bukidnon OT

¹² Ne hein nepasad haazà midlikù si Mordecai ziyà te pultahan te turuǥan. Ne si Haman, migaanggaan med-ulì is midtembunan din is ulu zin tenged te utew zin kegkeeled.

Ester 6:12 Referans Kwoze

2 Samuel 15:30

Midtekezeg si David diyà te Buvungan te menge Olibo. Ne wazè din sendalyas ne edtembunan din is ulu zin he edsineǥew. Ne ebpemenineǥew zaan haazà is menge zuma zin he edtambun daan te menge ulu zan.

Job 20:5

ne edlavey zà is kelipey te lalung he etew. Uya, kenà egkeuǥet is kelipey te etew he wazà medtuu te Megbevayà.

Job 9:24

Mibpeveyveyaan din te menge lalung is kelibutan. Edsebpengen din is mata te menge meghuhukum. Emun kenà iyan sikandin mibaal kayi ne hentei ves?

Ester 7:8

Ne hein midlikù kes hadì puun diyà te pemuleey ziyà te turuǥan pehendiyà te lugar he zutun dan med-inum, neehè din si Haman is ed-ul-ulembà duen te midhizeǥaan ni Ester is edhangyù. Ne migkaǥi haazà is hadì te, “Es! Es! Egkesuatan nu pa te edlayug is rayna kayi te turuǥan ku minsan kayi te etuvangan ku?” Hein nekepasad he egkaǥi haazà is hadì, midtembunan te menge suluǥuen is ulu ni Haman.

Ester 2:19

Ne hein ikezuwa he kedtiǥum te menge raǥa, ne si Mordecai, sevehe en he upisyal ziyà te turuǥan.

2 Cronica 26:20

Hein naahà ni Azaria he lavew he memumuhat wey zuen te zuma zin he menge memumuhat he midtuvuan is buked ni Uzia te zaru te lundis, ne impeǥaanggaan dan ipeǥawas dutun te valey te Nengazen. Ne egkezeǥusu zaan sikandin he egawas tenged te midsilutan sikandin te Nengazen.

1 Hadì 20:43

Mid-ulì haazà is hadì te Israel ziyà te turuǥan din diyà te Samaria he mibmezaat is gehinawa zin wey nepauk.

2 Samuel 17:23

Hein netuenan ni Ahitofel he wazà pezumdumahi is menge sambag din, ne mid-untuzan din is asnu zin ne mid-ulì diyà te inged din. Nemilinbilin sikandin te pemilya zin ne midhiket sikandin pinaaǥi te kebitey. Diyè ded ileveng sikandin te midlevengan te amey zin.

1 Samuel 3:15

Nekelipezeng si Samuel taman te egkepawà, ne mibpuwasan din is gemawan te valey te Nengazen. Egkahandek si Samuel he ebpenudtul ziyà te ki Eli mehitenged te impahayag te Nengazen diyà te kandin.

Ester 6:11

Umbe migkuwa ni Haman sikan is bisti wey kudà ne midsun-uzan din si Mordecai ne impeuntud din duen te kudà ne in-elibet din diyà te inged duma is layun din kebensag te, “Iyan heini ed-ul-ulahan diyà te etew he ebeǥayan te hadì te zengeg su nekepenunuat kandin.”

1 Hadì 21:6

Midtavak din haazà is esawa zin te, “Migkeǥiyan ku si Nabot he ebpemesahan ku is pemuleey zin te paras, wey edliwaan ku te edhuna pa he meupiya he pemuleey te paras emun egkesuatan din, piru wazà sikandin mebpezumazuma.”