Ester 4:11 - Manobo Western Bukidnon OT

¹¹ “Netuenan duen te langun he menge upisyal te hadì wey te langun he menge etew ziyà te minsan hendei he neseled te ginhedian din, maama etawa vahi he ebpekid-etuvang te hadì minsan pa te wazà sikandin pesuǥui, ne sevaha zà is belaud te hadì mehitenged dutun he iyan is: Kinahanglan he edhimetayan haazà he etew. Ne wey zà sikandin kenà edhimetayi ke ibayew zuen te hadì diyà te kandin sikan is tuked din he vulawan. Ne siak, seled en te senge vulan ne wazè e pa ipetawag duen te hadì.”

Ester 4:11 Referans Kwoze

Daniel 2:9

he emun kenè niw egketagnà wey egkeseysey sikan is teǥeinep ku, ne idsilut ku ziyà te keniyu sikan is nekaǥi ku. Neuyun kew he edterteruan a keniyu su edtinguhè kew he mahalin is isip ku. Keǥiya niw en ke hengkey is teǥeinep ku su wey a meketuu he egketuenan niw te edseysey is kehuluǥan kayi.”

Ester 8:4

Ne imbayew zutun te hadì diyà te ki Ester sikan is tuked din he vulawan, ne midhitindeg si Ester ziyà te etuvangan din.

Ester 2:14

Is kada sevaha kandan kinahanglan he mezukilem is kedhendiyè din te hadì ne kegkemeselem dutun ibpeulì sikandin, diyà te turuǥan he mibpeubpaan te menge esawa te hadì. Ne zutun sikandin ed-elimahi te sevaha he kapun he sineriǥan he si Shaashgaz. Si Shaashgaz, insarig kandin dutun te hadì is ked-elima te menge esawa zin. Ne haazà is bahi, kenè en ibpelikù dutun te hadì gawas ke nesuatan sikandin dutun te hadì su ibpetawag din man sikandin.

Ester 6:4

Ne zutun he timpu iyan daan kebpekeuma ni Haman diyà te lama te turuǥan, su edhengyuan din kes hadì he ebitayen si Mordecai ziyà te impeveelan din he vitayà para ki Mordecai. Ne mid-insà kes hadì te, “Hentei heeyan is edhithitindeg keniyan te lama?”

Ester 1:19

“Umbe ke meupiya zà te ǥehinawa nu, Mahal he Hadì, beeli nu is suǥù he iyan is: Kenè en maan ebpekeetuvang kenikew si Rayna Bashti te minsan keenu, ne is kegkerayna zin, ibeǥey nu en te zuma he edhuna pa kandin he meupiya. Ne iragkes nu heini he suǥù duen te menge kesuǥuan kayi te ǥinhedian tew he Persia wey Media su para kenà heini mahalin.

Ester 4:10

Ne impelikù sikandin ni Ester ziyà te ki Mordecai su wey zin metudtuli kayi:

Ester 4:12

Ne hein netudtulan dutun si Mordecai,