Erubasa 1:5 - Manobo Western Bukidnon OT

⁵ Pinaaǥi te kebpemineg kayi, ne egkeumanan pa is ketau te menge uluwanen wey egkegiyahan is duen din menge netuenan,

Erubasa 1:5 Referans Kwoze

Erubasa 12:1

Is etew he egkesuat he ibperangka ziyà te kandin is sayep din egkesuat he egkehimu he uluwanen, iyan, is etew he paglung ne egkeepes emun egkeǥiyen diyà te kandin is menge sayep din.

Erubasa 9:9

Penurua nu is etew he uluwanen ne ed-iseg pa is ketau zin. Penurua nu is etew he metazeng ne ed-iseg pa is netuenan din.

Job 34:16

“Emun duen nu kedsavut, Job, pemineǥa nu is egkeǥiyen ku:

Job 34:10

Umbe, pemineg kew kedì, sikiyu is egkaǥi he ebpekesavut kew. Kenà ebaal te mezaat is Mekeǥeǥehem he Megbevayà.

Job 34:34

Is menge etew he uluwanen wey ebpekesavut, he nemineg kedì,

2 Cronica 25:16

Dutun te kemulu pa egkaǥi haazà is ebpeneuven, ne midtavak haazà is hadì te, “Maan is edsembaǥan a kenikew? Midhimu ku ve sikew he peresambag? Mebpereremek ka, emun kenè ka egkesuat he ebpatey.” Umbe, mibpereremek haazà is ebpeneuven hein nekepasad sikandin he egkaǥi kayi: “Siguradu he edèdeetan ka te Megbevayà tenged te mid-azap nu is duma he menge ed-ezapen ne wazè ka mebpemineg kedì.”

Erubasa 14:6

Is etew he sumpalit, kenà egkehimu he uluwanen, iyan, is etew he uluwanen, melemu zà mulà egketau.

Megwewali 9:11

Duen pa neehè ku kayi te kelibutan: kenà is langun he mezesen he ebpelelaǥuy he ebpekezaag te lumbà, wey kenà is langun mezesen he ebpekezaag te tebek. Kenà is langun he uluwanen he ebpekaahà te igkeuyag-uyag dan, kenà is langun he uluwanen ne edsepian. Su egkeseǥazan te uman sevaha he etew is imbanglis kandin.

Deuteronomio 4:6

Purungi niw heini sunuza, su pinaaǥi kayi igkepeehè niw te menge etew ziyà te zuma he menge nasyun is ketau niw wey kedsavut niw. Emun egkezineg dan heini is langun he menge sulunuzen ebpekekaǥi zan te, ‘Tutuu iyan he zuen ketau wey kedsavut te menge etew kayi te gemhanan he nasyun.’

Job 34:2

“Sikiyu is egkaǥi te uluwanen kew wey zekelà is netuenan niw, purungi a keniyu pemineǥa.

Erubasa 8:33

Pemineǥa niw is menge penurù ku wey kew mehimu he uluwanen; ne kenè niw heini iselikwey.

Erubasa 9:8

Kenè nu zewaya is etew he mesudì su và ke zin dà egkeepesi. Iyan nu zewaya is etew he uluwanen su ebmahalen ke zin.

Erubasa 18:15

Is etew he uluwanen wey zuen din kedsavut, egkesuat he meumani pa is netuenan din.

Erubasa 19:25

Kinahanglan he edsilutan is menge sumpalit para is iring dan he kenà memetau ne egkehimu sikandan he uluwanen. Is uluwanen he etew ne ed-iseg pa is kedsavut din emun edewayen sikandin.

Erubasa 21:11

Emun edsilutan is menge sumpalit, pinaaǥi zutun egkepenurù is iring dan he wazà kedsavut ne egkehimu he uluwanen. Is uluwanen he etew, ed-iseg pa is ketau zin emun egkepenurù sikandin.