Erubasa 1:4 - Manobo Western Bukidnon OT

⁴ Ebpkeveǥey heini te ketau te wazè din ketau, wey ebpekeveǥey heini te keuluwanen te menge vetan-en te ked-isip-isip ke hengkey is hustu.

Erubasa 1:4 Referans Kwoze

Erubasa 8:5

Sikiyu is menge wazè din utew hanew, penigudu kew wey kew mebmetau. Sikiyu is menge tulebung, gemita niw is kedsavut niw.

Erubasa 8:17

Ebmahalen ku is mibmahal kediey, ne is ebpen-ahà kediey egketuredu e zin.

Salmo 119:9

Hengkey is ebeelan te vetan-en para lumpiyu is gehinawa zin? Is kinahanglan he ebeelan din iyan is kedsunud te lalag nu.

Erubasa 8:32

Umbe ǥuntaan menge anak, pemineǥa a keniyu, su utew zeyzey is edsunud te menge lalag ku.

Erubasa 8:12

Siak, is ketau, metau he ed-isip-isip ke hendei is hustu etawa kenà, wey netuenan ku ke ebmenmenuwen te ed-angken is ketau wey kedsavut.

Salmo 119:130

Is kedseysaya te lalag nu ebpekeveǥey te kerayag diyà te isip te menge etew wey ketau te wazè din ketau.

Isaias 35:8

Ebeelan dutun te disirtu is meluag he kersada, ne egngezanan heini te “Segradu he Zalan.” Wazà mekesesalà wey tulebung he ebpekeikul zutun. Su para zà haazà te menge etew he edsunud te menge paaǥi te Megbevayà.

Erubasa 3:21

Mama, tipiǥi nu is ketau wey keuluwanen nu. Ne kenè nu heini mehimuwa he maawà diyà te kenikew,

Salmo 34:11

Hendini kew is egkengesuat he mebmetau, pemineǥa a keniyu. Ebpenuruen ku sikiyu te kedtahud te Nengazen.

Salmo 19:7

Is kesuǥuan te Nengazen wazè din sayep. Ne ebpekezasig heini kenita. Egkeseriǥan is menge penurù te Nengazen ne ebpekeveǥey heini te ketau te kenà metau.

Megwewali 11:9

Sikew is betan-en, medlipey ka kayi te kebpengungubpaan nu te vetan-en ke pa. Beeli nu is egkesuatan nu te ebaal, piru tentenuzi nu he edhukuman ka te Megbevayà pinaaǥi te langun he menge vaal nu.

Salmo 116:6

Egkelesaǥan din is iring te kedsarig te vatà is kedsarig dan kandin. Hein wazè ku en egkehimu, midlibri e zin.

Deuteronomio 4:6

Purungi niw heini sunuza, su pinaaǥi kayi igkepeehè niw te menge etew ziyà te zuma he menge nasyun is ketau niw wey kedsavut niw. Emun egkezineg dan heini is langun he menge sulunuzen ebpekekaǥi zan te, ‘Tutuu iyan he zuen ketau wey kedsavut te menge etew kayi te gemhanan he nasyun.’