Daniel 6:11 - Manobo Western Bukidnon OT

¹¹ Iyan, mibenteyanan sikandin duen te menge upisyal he ebpekigkuntada kandin, ne neehè dan sikandin is ed-ampù wey ebuyù te tavang diyà te Megbevayè din.

Daniel 6:11 Referans Kwoze

Daniel 6:6

Umbe, midhendiyà sikandan te hadì he ke sikandan te, “Mebmeluǥayad is untung nu, Mahal he Hadì!

Salmo 10:9

Iring sikandan te erimaung he ed-eles he ed-ayan su edekepen dan is menge egkaayuayu, ne emun ebpekezakep dan en ne eguyuzen dan haazà.

1 Hadì 8:48

pemineǥa nu is menge kebpengemuyù dan. Ne emun ebpekid-uliey sikandan kenikew te ebpuun te tivuuk he ǥehinawa zan wey isip dan diyà te lugar te menge kuntada zan he mibihag kandan, ne ebpengemuyù dan he ed-etuvang kayi te tanà he imbeǥey nu te menge kepuun dan, he iyan heini is inged he mibpilì nu, wey heini is baley nu he midtukud ku para te zengeg nu,

Salmo 28:2

Pemineǥa nu is hangyù ku te tavang diyà te kenikew, zutun te ziyà a medsinaru te segradu he valey nu he imbayew ku is menge velad ku.

Salmo 119:164

Kepipira a edalig kenikew te senga andew, su ǥeina te metazeng is menge suǥù nu.

Jeremias 51:50

“Sikiyu is nekelikey te kemetayen, awè kew en keniyan te Babilonia. Kenè kew en ubpà keniyan! Tentenuzi niw is Nengazen wey is Jerusalem minsan nekeziyù kew.