Biblia Todo Logo
Bib sou entènèt

- Piblisite -




Daniel 4:19 - Manobo Western Bukidnon OT

19 Neipeng wey nahandek si Daniel (he egngenazan daan te Belteshazar) te kegkezineǥa zin dutun te lalag te hadì. Umbe migkeǥiyan sikandin dutun te hadì te, “Belteshazar, kenè ka meipeng tenged te teǥeinep ku wey kehuluǥan din.” Ne midtavak si Belteshazar te, “Mahal he Hadì, meupiya pezem ke is teǥeinep nu wey is kehuluǥen din, ne ziyà egkehitavù te menge kuntada nu ne kenà diyà te kenikew.

Gade chapit la Kopi




Daniel 4:19
27 Referans Kwoze  

Ne kegkepasad kayi, siak si Daniel, midluyahan a wey nezeruwan a te nepipira he andew. Ne kegkeulii kedì, midlikuan ku te edterebahu is insarig kedì te hadì. Piru kemulu a egkeliveǥi zuen te nelewasan ku. Mereǥen heini he edsevutan.


“Iyan heeyan teǥeinep ku. Ingkeherati ku heini ne mibmemeluntak a te kegkulbai ku. Iyan, wazà ku heini tudtula ziyà te minsan hentei.”


“Mahal he Hadì, iyan heini kes kehuluǥan te neehè nu he ibpesavut te Utew Lavew he Megbevayà is egkehitavù diyà te kenikew:


Kenè ku en egkaantus is kegkeseeng ku; utew subra is kebpekezag-es ku. Henduen be te ebpemevayu is kumeng ku tenged te kekulbà ne kenà a ebpeketeren. Su nezineg ku is daǥing te vudyung ne nezineg ku zaan is kulehian te ebpekidtebek.


Migkaǥi si Eli te, “Hengkey is migkaǥi kenikew te Nengazen? Kenè nu i-eles kedì. Utew mereǥen is silut kenikew te Megbevayà emun kenè nu ibpenudtul is langun he migkaǥi zin kenikew.”


Is menge vuntud henduen be te menge etew he egkerkeren emun egkeehè ke zan. Mid-uzan te mereǥes, mideǥurus is wahig diyà te zaǥat ne midekelà is menge vaǥel.


Ne nesemukan a he ed-isip-isip dutun te neehè ku.


Iyan sikandin si Daniel he migngezanan te amey nu ki Belteshazar. Duen din nekeviza he ebilidad wey ketau. Metau sikandin he edseysey te kehuluǥan te menge teǥeinep, edtagnà te ereg he edtegnaan, wey edsulbar te prublima he mereǥen he edsulbaren. Umbe, ipetawag nu sikandin ne ipeseysey nu kandin is kehuluǥan te nekesurat keniyan te elavat.


Mid-insaan dutun te hadì si Daniel he migngezanan daan te Belteshazar, “Egkekaǥi nu ve kediey ke hengkey is teǥeinep ku wey igkeseysey nu ve is kehuluǥan din?”


Ne mid-ilisan ni Ashpenaz is menge ngazan dan. Si Daniel ne iyan si Belteshazar, si Hanania iyan si Shadrac, si Mishael iyan si Meshac, ne si Azaria iyan si Abednego.


Uǥup kew para mebmeupiya wey mebmeuswaǥen is inged he zutun kew ed-ubpà is impevihag ku. Ipengemuyù niw heini, su emun ed-uswag heini, ne ed-uswag kew zaan.”


Ne zutun te kedhipanew ni Obadias, neuma zin si Elias. Nekilala zin si Elias umbe midluhud sikandin te kedtahud ki Elias, ne ke sikandin te, “Iyan ke ve heeyan, Datù Elias?”


Midtavak si David te, “Kenè be iyan ke man kes pinekemevurut he etew te Israel? Maan is wazè nu meventayi heeyan is hadì he egalen nu? Duen midhengkeniyan he edhimatey kandin!


Ne migawas si David dutun te surung ne mid-umew zin si Saul, “Mahal he Hadì!” Midlilingey si Saul, ne midluhud si David su edtahud kandin.


Migkaǥi si Hana te, “Kenà a egkelangut, datù, wey wazà a keenu mekeinum te ebpekelangut he inumen. Egkeǥiyen ku zà diyà te Nengazen is utew mereǥen he egkeǥezam ku.


Ne edhengyuan ku sikew he peseyluwa nu sikandan dutun te salè dan; ne emun kenè nu en sikandan ebpeseyluwen, ne penasa nu en daan is kedì he ngazan duen te libru he zutun nu ilista is menge ngazan te menge etew nu.”


tevaka niw sikandin te kedì heini he menge uyaǥen ne igasa ku heini kandin. Keǥiyi niw zaan sikandin te keniyan en edtundug.”


Ne migkaǥi si Raquel ziyà te amey zin te, “Amà, kenà a kenikew mepeuki te kenà a ebpekehitindeg su neumahan a te binulan he zaru te vahi.” Wazà mesanggen si Laban he ebpen-ahà piru wazè din iyan maahà sikan is menge ed-ezapen din.


Ne migkaǥi si Jose te, “Iyan heini kehuluǥan te teǥeinep nu: Sikan is tetelu he subpang ne iyan kehuluǥan din is tetelu he andew.


Mahal he Hadì, iyan ka hadì te menge hadì. Iyan midhimu kenikew he hadì is Megbevayà diyà te langit, ne mibeǥayan ke zin te ǥehem, desen, wey zengeg.


“Mahal he Hadì, ketau te Utew Lavew he Megbevayà is kegkehimu he hadì te amey nu he si Nebucadnezar. Nehimu sikandin he mekeǥeǥehem wey mibeǥayan te menge etew te zengeg.


Ne tenged te gehem he imbeǥey kandin te Megbevayà, igkikinehendekà sikandin te menge etew ziyà te nekedseselekawà he menge nasyun, menge kepuun, wey menge kineǥiyan. Egkehimu zin te edhimatey is minsan hentei he egkesuatan din te edhimatey. Ne egkehimu zin daan he kenà mehimetayi is minsan hentei he egkesuatan din he kenà mehimetayi. Igkepeketikang din is ketengdanan te etew he egkesuatan din te ebpeketikang; ne ibpekemevavè din is ketengdanan te etew he egkesuatan din te ebpekevavà.


Swiv nou:

Piblisite


Piblisite