Daniel 3:2 - Manobo Western Bukidnon OT

^2-3 Ne kegkepasad dutun impetawag ni Hadì Nebucadnezar is menge gubirnedur, menge mayur, menge kunsiyal, menge megsesambag, menge trisuriru, menge meghuhukum, menge pengulu, wey zuma pa he menge upisyal ziyà te menge prubinsya su wey zan meketelavuk te kebpehinunguza zuen te ledawan. Ne hein diyè dan en ebpemenhitindeg te etuvangan duen te ledawan,

Daniel 3:2 Referans Kwoze

Daniel 3:27

Ne zutun mid-amur-amur ziyà te kandan is menge gubirnedur, menge mayur, menge kunsiyal, wey zuma pa he menge upisyal te hadì. Ne neehè dan he wazà sikandan memenu te hapuy. Minsan is bulvul zan wey kumbalè dan ne wazà metutung, ne minsan is ngazeg te evel ziyà te kandan ne wazà.

Erubasa 29:12

Emun ebpemineg is pengulu te tarù he menge tudtul, ne egkehimu he lalung is langun he menge upisyal zin.

1 Hadì 12:32

Midtukud daan sikandin te pista emun ike-15 he andew te ikewalu he vulan te iring te pista ziyà te Juda. Dutun he andew, ebpemuhat sikandin diyà te Betel te menge pemuhat diyà te pemuhatà he para zuen te menge vulawan he vaka he impeveelan din. Ne mibpilì sikandin te menge memumuhat he idsavuk din diyà te menge simbahan he mibpeveelan din diyà te metikang he menge lugar.

Zatù 16:23

Duen timpu, he midtiǥum is menge pengulu te menge Filistihanen su edsilibra zan wey ebpemuhat dan te mahabet he menge pemuhat he para te ed-ezapen dan he si Dagon. Dutun te kedsilibra zan migkanta zan is edhenduen te: “Mibpengelinteuwan te ed-ezapen tew he mezaag tew si Samson is kuntada tew.”

Numero 25:2

Heini is menge vahi mid-iniyat kandan te kedtampu te kebpemuhata zan te menge ed-ezapen dan, ne migkaan haazà is menge maama te impemuhat ne mid-azap dan haazà is menge ed-ezapen.