Daniel 2:49 - Manobo Western Bukidnon OT

⁴⁹ Midhangyù ni Daniel zuen te hadì he himuwa zin si Shadrac, si Meshac, wey si Abednego he menge timbang din te kedumala te prubinsya he Babilonia. Ne midtuǥut haazà is hadì. Ne si Daniel wazà mulà med-awà diyà te turuǥan te hadì.

Daniel 2:49 Referans Kwoze

Daniel 1:7

Ne mid-ilisan ni Ashpenaz is menge ngazan dan. Si Daniel ne iyan si Belteshazar, si Hanania iyan si Shadrac, si Mishael iyan si Meshac, ne si Azaria iyan si Abednego.

Ester 2:19

Ne hein ikezuwa he kedtiǥum te menge raǥa, ne si Mordecai, sevehe en he upisyal ziyà te turuǥan.

Amos 5:15

Senggilahi niw is mezaat ne veeli niw is meupiya, ne hukum kew te hustu ziyà te hukmanan. Su kela ke mehizuwi kew zed te Nengazen he Megbevayà he Mekeǥeǥehem is nengesamà keniyu te menge kevuwazan ni Jose.

Ester 2:21

Ne zutun te timpu he upisyal en si Mordecai ziyà te turuǥan, utew nepauk is dezuwa he upisyal te hadì he si Bigtana wey si Teresh he iyan bantey te ǥemawan te ruǥu te hadì. Iyan netaǥù diyà te isip dan is edhimetayan dan sikan is hadì.

Daniel 2:17

Ne mibpezumazuma haazà is hadì, umbe mid-ulì si Daniel ne midtudtulan din sikan is menge zuma zin he si Hanania, si Mishael, wey si Azaria vahin te neulaula.

Daniel 1:17

Mibeǥayan te Megbevayà heini is heepat he vetan-en te ketau lavew en diyà te nekedseselekawà he menge velesahan wey menge ketudluanan. Ne gawas kayi mibeǥayan din si Daniel te ketau wey zin ikeseysey is kehuluǥan te menge egkengelewasan wey menge teǥeinep.

Jeremias 39:3

Ne hein neselezan dan en is Jerusalem, is langun he menge upisyal te hadì te Babilonia mibpinuu ziyà te Teliwazà he Pultahan te kebpaahà he naaǥew zan en haazà is inged. Iyan sikandan ensi Nergal Sharezer he tig-Samgar, si Nebo Sarsekim he sevaha he pengulu he upisyal, wey is sevaha pa he Nergal Sharezer he sevaha zaan he lavew he upisyal, wey is duma pa he menge upisyal te hadì te Babilonia.

Erubasa 28:12

Emun metazeng is egkehimu he zekelà is keǥehem din, ne henduen be te ibayew is menge etew tenged te kegkelipey zan, iyan, emun lalung is egkehimu he zekelà is keǥehem din ne edliyasen is menge etew.

Ester 3:2

Insuǥù te hadì he is langun he upisyal, edluhud diyà te ki Haman he iyan kedtehuza kandin. Piru si Mordecai wazà mulà medluhud te kedtahud kandin.

Daniel 6:2

Heini he menge gubirnedur, ne iyan edlitu edumala kandan is tetelu he administradur, ne is sevaha kandan ne iyan si Daniel. Mibeelan heini su para kenà mereǥeni haazà is hadì te kedumala.

Daniel 3:1

Dutun he timpu, mibpevaal si Nebucadnezar te ledawan he vulawan. Is ketikang din 90 he ǥiek ne 9 he ǥiek is keluag din. Ne hein nepasad en haazà, impehitindeg din diyà te suǥud diyà te Dura diyà te prubinsya he Babilonia.