Daniel 2:25 - Manobo Western Bukidnon OT

²⁵ Umbe, migègaanan dumaha ni Arioc si Daniel ziyà te hadì. Migkaǥi si Arioc te, “Mahal he Hadì, duen neehè ku he vinihag puun te Juda he ebpekeseysey ke hengkey is kehuluǥan duen te teǥeinep nu.”

Daniel 2:25 Referans Kwoze

Daniel 6:13

Ne migkeǥiyan dan haazà is hadì te, “Si Daniel he sevaha zuen te menge vihag puun te Juda, wazà medtuman te suǥù nu. Ed-ampù sikandin diyà te Megbevayè din te ketetelu kada andew.”

Daniel 5:13

Umbe, impetawag si Daniel. Ne hein nekeume en sikandin, migkaǥi haazà is hadì te, “Iyan ke ve si Daniel he sevaha zuen te menge vihag he Judio he mid-uwit kayi te amey ku puun te Juda?

Daniel 1:6

Ne zuma zuen te nengepilì he ebpuun diyà te tribu ni Juda iyan ensi Daniel, Hanania, Mishael, wey si Azaria.

Megwewali 9:10

Beeli nu is minsan hengkey he ebeelan nu he egkehimu nu, su ziyà te ubpaan te menge minatey, he zutun is egkepengkusan nu, ne wazè en ketau etawa keuluwanen.

Erubasa 24:11

Kenè ka peneǥana te kedlibri te menge etew he wazà salà he midsintinsiyahan he edhimetayan.

Nehemias 7:6

Mahabet he menge Israilihanen diyà te prubinsya he Juda is mibihag ni Hadì Nebucadnezar ne miduma zin diyà te Babilonia. Ne ǥuntaan mid-awe en sikandan diyà te Babilonia su mid-ulì dan diyà te Jerusalem ne is duma ziyà te keugelingen dan he menge inged diyà te Juda.

Genesis 41:14

Ne zutun mibpeveyaan te hadì si Jose, ne segugunà impeǥawas sikandin duen te pirisuwan. Hein nepesazan sikandin te ed-alut wey ebpemarbas, ne mid-ilis sikandin ne mid-etuvang diyà te hadì.