Daniel 2:22 - Manobo Western Bukidnon OT

²² Ibpezayag din is mezalem wey ebpemekeeles. Diyà te kandin is kerayag, ne egketuenan din ke hengkey is diyà te merusirem.

Daniel 2:22 Referans Kwoze

Job 12:22

Ibpeǥawaǥawa zin is menge in-eles, ne ibpemerayag din is merusirem.

Jeremias 23:24

Wazà etew he ebpekeeles diyà te meeles he lugar he kenè ku egkaahà. Wazè niw ve metueni he ziyà a te minsan hendei ziyà te langit wey ziyà te tanà? Iyan a, is Nengazen, is migkaǥi kayi.

Salmo 25:14

Nengazen, utew nu emiǥu is menge etew he edtahud kenikew ne ibpetentenuzan nu kandan is kebpekid-uyun nu kandan.

Daniel 5:11

su zuen sevaha he etew kayi te ginhedian nu he ziyà te kandin is mulin-ulin te waǥas he menge ed-ezapen. Te timpu te kedhadì te amey nu he si Hadì Nebucadnezar, impaahà kayi he etew is ketau zin he iring te ketau te menge ed-ezapen. Midhimu sikandin te amey nu he pengulu te menge selemengkiru, menge veyilan, menge menenagnà, wey menge mengingingkuris.

Salmo 36:9

Su iyan ka ebpuunan te untung. Edteyawan key kenikew, ne neteyawan is menge isip dey.

Daniel 2:11

Utew mereǥen is ebpeveelan nu kenami, Mahal he Hadì. Menge ed-ezapen dà is ebpekehimu keniyan, piru wazè man sikandan med-amur te menge etew.”

Isaias 45:7

Iyan a mibaal te kerayag wey kerusireman. Kediey he ketau is keupiyaanan wey kezeetan. Iyan a Nengazen, iyan a mibaal kayi te langun.

Isaias 41:22

Uvey kew ne keǥiya niw kenami ke hengkey is huziyan he egkehitavù. Keǥiya niw kenami is migkaǥi niw zengan su para metimbangtimbang dey ke netuman be heini.

Salmo 104:2

Midtembunan nu is keugelingen nu te kerayag he henduen be te visti, ne indempas nu is langit he henduen be te tulda.

Job 26:6

Wazà mekeeles diyà te Megbevayà is lugar te menge minatey. Wazà ebpeketambun te lugar te kezeetan.

Daniel 5:14

Netudtulan a he ziyà te kenikew is mulin-ulin te menge ed-ezapen ne zuen nu nekeviza he abilidad wey ketau.

Isaias 42:9

Is menge midtagnè ku ne nengetuman en, ne ǥuntaan ibpezayag ku is huziyan he egkengehitavù te kenè pa heini egkehitavù.”

Isaias 41:26

Hentei keniyu is mibpezayag he egkehitavù heini su para metueni zey ne ebpekekaǥi key he hustu is impezayag din? Wazè minsan sevaha keniyu he mibpezayag mehitenged kayi, ne wazà nekezineg te migkaǥi niw mehitenged kayi.

Genesis 41:16

Ne midtavak si Jose te, “Kenà a iyan, Mahal he Hadì, kekenà, iyan dà is Megbevayà ebpekeveǥey te kehuluǥan te menge teǥeinep he meupiya para kenikew.”

Daniel 2:19

Dutun he kezukileman impezayag te Megbevayà diyà te ki Daniel sikan is teǥeinep duen te hadì wey is kehuluǥan din pinaaǥi te kebpekelawas. Ne midalig ni Daniel is Megbevayà diyà te langit.

Daniel 2:47

Migkaǥi sikandin diyà te ki Daniel te, “Tenged te kedtudtula nu zuen te teǥeinep ku wey kedseysaya nu te kehuluǥan din, ne tutuu iyan he is Megbevayà he ed-ezapen nu ne lavew he mekeǥeǥehem te langun he ebpen-ezapen te menge etew. Iyan sikandin ereg he egkilelaan he Egalen te menge hadì. Ne iyan dà sikandin ebpekepezayag te nekeeles he menge ketutuanan.”

Deuteronomio 29:28

Tenged te zekelà he pauk te Nengazen kandan, midsegseg din sikandan puun te nasyun dan ne impevihag din sikandan te zuma he menge nasyun he zutun sikandan guntaan ebpemen-ubpà.’

Megwewali 8:1

Wazà ebpekerepeng te uluwanen he etew, he metau he edseysey te menge egkengeulaula. Melipayen is kebuvuked te metau he etew ne kenà ebmerembunut.

Jeremias 33:3

“Umawa a kenikew su edtevangan ku sikew. Ne ibpezayag ku ziyà te kenikew is egkengein-inuwan wey in-eles he wazè nu pa metueni.