Daniel 1:17 - Manobo Western Bukidnon OT

¹⁷ Mibeǥayan te Megbevayà heini is heepat he vetan-en te ketau lavew en diyà te nekedseselekawà he menge velesahan wey menge ketudluanan. Ne gawas kayi mibeǥayan din si Daniel te ketau wey zin ikeseysey is kehuluǥan te menge egkengelewasan wey menge teǥeinep.

Daniel 1:17 Referans Kwoze

1 Hadì 3:12

ibeǥey ku kenikew is mibuyù nu. Ebeǥayan ku sikew te ketau wey kedsavut he wazè pa maangken te minsan hentei he nehuna kenikew wey egkehuziyan kenikew.

Daniel 2:21

Iyan sikandin ebpedliliwà te egkengehitavù diyà te menge timpu. Iyan sikandin ebayàbayà ke hentei is egkahadì wey ke hentei is egkaawà te kedhadì. Iyan sikandin mibeǥey te ketau ziyà te uluwanen.

Job 32:8

Piru iyan heini tutuu: Is mulin-ulin te Mekeǥeǥehem he Megbevayà he imbeǥey zin diyà te etew, iyan ebeǥey kandin te kedsavut.

Daniel 2:23

Umbe, edeliǥen ku wey ebpeselamatan ku sikew, is Megbevayà te menge kepuun ku. Iyan ka mibeǥey kedì te ketau wey kebpekehimu. Ne imbeǥey nu kenami is mibuyù dey ziyà te kenikew pinaaǥi te kebpezeyaǥa nu kenami zuen te teǥeinep te hadì.”

Erubasa 2:6

Su is Nengazen iyan ebeǥey te ketau. Ne iyan daan sikandin ebpuunan te keuluwanen wey kedsavut.

Daniel 10:1

Dutun te iketelu he tuig te kedhadì ni Cyrus diyà te Persia, duen impetuenan ki Daniel te migngezanan daan ki Belteshazar. Tutuu is impetuenan kandin, ne mehitenged heini te zekelà he tebek ne impelewasan heini kandin wey zin mesavut.

Ezekiel 28:3

Egkeisip nu he edhuna ke pa he metau ki Daniel, ne wazà id-eles he kenè nu egketuenan.

2 Cronica 26:5

Midangep sikandin te Megbevayà hein timpu ni Zacarias, he iyan mibpenurù kandin te kedtahud te Megbevayà. Te kebpedayun din te kedangep te Nengazen, ne ibpeuswag sikandin te Megbevayà.

Numero 12:6

migkaǥi is Nengazen te, “Pemineǥa niw heini: Emun duen ku ebpeneuven diyà te keniyu, ne ebpekidlalag a kandin pinaaǥi te ibpelewasan ku wey ibpeteǥeinep ku.

Daniel 7:1

Duen te nehuna he tuig te kedhadì ni Belshazar ziyà te Babilonia, duen nelewasan ni Daniel ziyà te teǥeinep din. Iyan heini teǥeinep din he insurat din:

Daniel 2:19

Dutun he kezukileman impezayag te Megbevayà diyà te ki Daniel sikan is teǥeinep duen te hadì wey is kehuluǥan din pinaaǥi te kebpekelawas. Ne midalig ni Daniel is Megbevayà diyà te langit.

Isaias 28:26

Ebpenuruen te Megbevayà is ebasuk te hustu he ebeelan umbe egketuenan din ke hengkey is ereg he ebeelan.

Megwewali 2:26

Megbevayà is ebeǥey te ketau, keuluwanen wey kelipey zutun te menge etew he ebpekepenunuat kandin. Iyan, is menge mekesesalà mibpengelinteuwan din he mebpenigudu sikandan te kedtiǥum te menge azen su is egkengetiǥum dan ne ibeǥey zin diyà te menge etew he nekepenunuat kandin. Is kedhaǥù te menge mekesesalà wazè din pulus; henduen dà te edal-as sikandan te keramag.

2 Cronica 1:10

Beǥayi a te ketau wey keuluwanen wey ku mezumala heini he keet-etawan. Su hentei zà buwa etawa is ebpekehimu he edumala kayi te utew mezakel he keet-etawan nu?”

1 Hadì 3:28

Ne hein nezineg haazà is disisyun ni Hadì Solomon te menge etew te Israel, neteǥuan sikandan te zekelà he kedtahud kandin, su nemesahan dan he zuen din ketau te kedhukum te hustu he imbeǥey kandin te Megbevayà.

Daniel 8:1

Duen te iketelu he tuig te kedhadì ni Belshazar, duen en maan nelewasan ku.

Daniel 5:14

Netudtulan a he ziyà te kenikew is mulin-ulin te menge ed-ezapen ne zuen nu nekeviza he abilidad wey ketau.

2 Cronica 1:12

ne ibeǥey ku kenikew is ebuyuen nu. Ne kenà iyan dà heeyan su ed-umanan ku pa sikew te zekelà he ketiǥeyunan wey zengeg he wazè pa maangken te minsan hentei he hadì he nehuna kenikew. Wey kenà daan egkaangken te edsunud pa he menge hadì.”

Daniel 1:4

Heini sikandan, kinahanglan he menge mezagwey, meupiya is kedlelawa, memetau, elistu, wey melumu he ebpenuruen su para zait sikandan he ebpenilbi te hadì. Midsuǥù din daan si Ashpenaz he penurua zin sikandan te kineǥiyan wey belesahan te tig-Babilonia.

Daniel 1:18

Ne kegkepasad te tetelu he tuig he iyan insuǥù ni Hadì Nebucadnezar, ne mid-uwit sikandan ni Ashpenaz dutun te hadì.

Daniel 1:20

Dutun te langun he in-insà te hadì diyà te kandan, netuenan din he sepulù he takep is kedlavew te ketau zan te ketau te menge selemengkiru wey menge veyilan seled te tivuuk he ginhedian din.

Daniel 2:30

Ne sikan is teǥeinep, impezayag te Megbevayà kayi te kedì, kenà tenged te edhuna a he metau te zuma he menge etew, kekenà, para mesavut nu ke hengkey is kehuluǥan te neseled diyà te isip nu pinaaǥi te kedseysey ku.

Daniel 4:6

Umbe, mibmandù a he zumaha kayi te kediey is langun he memetau kayi te Babilonia su para meseysey zan kayi te kedì is kehuluǥan kayi te teǥeinep ku.