Amos 4:9 - Manobo Western Bukidnon OT

⁹ “Kemahabet ku en dezeeti is menge pemuleey niw pinaaǥi te meinit he keramag wey menge erat. Mid-etaki te terapan is menge kayu niw he higus wey ulibu. Piru wazè kew ǥihapun medlikù kayi te kedì. Iyan a, is Nengazen, is migkaǥi kayi.

Amos 4:9 Referans Kwoze

Haggai 2:17

Midèdeetan te Nengazen is menge pinemula niw pinaaǥi te meinit he keramag, erat, wey kebpeuzan te ǥiyew he henduen be te menge vatu, piru wazè kew gihapun medlikù diyà te kandin, migkaǥi is Nengazen.

Deuteronomio 28:22

Uya, ibpaantus kew te Nengazen te ibpatey he menge zaru, dateng, levag, wey meinit he keramag, gulavung, wey erat te pinemula taman te egkengahanew kew.

Joel 1:4

Duen ebpekedtitinundug he menge grupu te menge terapan he ebpendezaat. Is egkesamà he menge pinemula he kenà egkekaan duen te egkehuna he grupu ne egkeenen en maan te ebpeketinundug he grupu taman te egkaamin is menge pinemula.

Amos 4:6

“Iyan a mibpaaǥi te vitil ziyà te langun he menge inged niw, piru wazè kew ǥihapun medlikù kayi te kedì. Iyan a, is Nengazen, is migkaǥi kayi.

Amos 4:8

Tenged te keluya egkesemsempirey kew en is ebpen-ahà te wahig puun te sevaha he inged pehendiyà te sevaha pa he inged, piru kenà ereg is egkekuwa niw piru wazè kew ǥihapun medlikù kayi te kedì. Iyan a, is Nengazen, is migkaǥi kayi.

Joel 2:25

Su migkaǥi is Nengazen te, “Idlikù ku is nelaga ziyà te keniyu zutun te menge tuig he mid-etaki is menge pinemula niw te nekedtutundug he grupu te menge terapan. Iyan a midsuǥù dutun te mahabet he menge terapan he menge sundaru ku.

Joel 1:7

Midezeetan dan is menge pinemula he paras te Nengazen wey is menge kayu zin he higus. Migketket dan is menge lekang kayi taman te mibmeputì is menge subpang.

Jeremias 5:3

Ne zutun migkaǥi a te, “He Nengazen, kenè be nengeehè ka te etew he egkeseriǥan? Mibpesekitan nu is menge etew nu, piru wazè dan heini seǥipaa. Midsilutan nu sikandan wey zan mepenurù, piru kenè dan egkesuat he ebpenuruen. Wazè dan en keelezan ne kenè en sikandan ed-engked te kebaal te mezaat.

Jeremias 3:10

Minsan pa kayi te langun, kenà tinutuuwà is kedlikù te meluiven he Juda kayi te kedì. Uvag-uvag dà is kedlikù din kayi te kedì. Iyan a, is Nengazen, is migkaǥi kayi.”

Isaias 1:5

Menge tig-Israel, maan is mibpedayun kew mebpekidsukulà? Egkesuat kew ve he edsilutan? Iring kew te etew he nepurung te palì is ulu zin wey utew mesakit is gehinawa zin.

2 Cronica 6:28

“Emun ebpekeuma is bitil ziyà te tanà te menge etew nu, limas etawa meinit he keramag, etawa keranapranap he ebpekezezaat te menge pinemula, ragkes en is menge terapan wey menge tetaru, etawa edliǥuyan sikandan te menge kuntada zan diyà te minsan hendei te menge inged dan, etawa ebpekeuma ziyà te kandan is minsan hengkey he zaru,

1 Hadì 8:37

“Emun ebpekeuma is bitil ziyà te tanà te menge etew nu, limas etawa meinit he keramag, etawa keranapranap he ebpekezezaat te menge pinemula, ragkes en is menge terapan wey menge tetaru, etawa edliǥuyan sikandan te menge kuntada zan diyà te minsan hendei te menge inged dan, etawa ebpekeuma ziyà te kandan is minsan hengkey he zaru,

Deuteronomio 28:42

Egkeenen te terapan is langun he menge pinemula niw he kayu wey is duma he menge pinemula niw.

Isaias 50:11

Piru mebpekevantey kew mulà is ed-isip edezaat te zuma he etew; egkeuney kew zuen te mezaat he mid-isip niw! Iyan mismu is Nengazen edsilut keniyu; ebpematey kew tenged te kebpurungi zin kedsiluti keniyu.

Habakuk 3:17

Minsan kenè pa mebpemeǥas is kayu he higira, is paras, etawa kayu he ulibu, wey minsan wazà sebpet diyà te tanà, wey minsan mebpemematey pa is menge uyaǥen diyà te tudil,

Isaias 9:12

Edezeetan dan te menge Aramihanen he ziyà te edsilaan wey menge Filistihanen he ziyà te edsenlepan, he iring te zumezaas he menge langgam he andam he ed-emeluk. Piru kenè pa egkeengked is pauk te Nengazen. Andam pa ǥihapun sikandin te kedsilut kandan.

Hoseas 11:5

Ne ǥeina te kenè dan egkesuat he edlikù kayi te kedì, ne siguradu he ziyà sikandan ebpekelikù te Ehipto, ne tig-Asiria is edumala kandan.

Malakias 3:11

Kenè ku idtuǥut he dezeeti te ebpekezezaat te pinemula is menge pinemula niw, is menge paras niw ziyà te menge pemuleey niw ne kenà egkengerapi is beǥas dan, migkaǥi is Nengazen he Mekeǥeǥehem.