1 Samuel 6:2 - Manobo Western Bukidnon OT

² impetawag te menge Filistihanen is menge memumuhat dan wey menge veyilan ne mid-insaan dan te, “Hengkey is ebeelan dey kayi te Kavan te Nengazen? Sembaǥi key ke ebmenmenuwen dey heini he ikeulì dey ziyà te lugar he nesevukan din.”

1 Samuel 6:2 Referans Kwoze

Exodus 7:11

Ne zutun mibpesuǥuan te hadì is menge uluwanen he etew wey is menge selemengkiru ziyà te Ehipto ne nehimu zan daan is iring dutun pinaaǥi te kegkeselemengkiru zan.

Genesis 41:8

Ne hein nepawà, utew neliveg haazà is hadì tenged dutun te menge teǥeinep din, ne impetawag din is langun he menge selemengkiru wey uluwanen he menge etew ziyà te ǥinhedian din he Ehipto. Ne midtudtulan din sikandan te menge teǥeinep din, piru wazà minsan hentei kandan he ebpekeseysey zutun te hadì ke hengkey is kehuluǥan dutun.

Daniel 5:7

Umbe, nekepengulahì sikandin is edsuǥù he umawa is uluwanen he menge etew ziyà te Babilonia: is menge selemengkiru, menge menenagnà, wey menge mengingingkuris. Ne kebpekeuma zan, migkaǥi sikandin diyà te kandan te, “Is minsan hentei he ebpekevasa te nekesurat keniyan te elavat wey ebpekeseysey te kehuluǥan din, ne ebpevistiyan ku te visti te hadì wey ebpevelieǥan ku te vulawan. Ne egkehimu sikandin he iketelu te kinelevawan he menge upisyal te ginhedian ku.”

Daniel 2:2

Impetawag din is menge sakup din he menge selemengkiru, menge keteuwanen, menge veyilan, menge menenagnà, su wey zan ikeseysey is kehuluǥan duen te teǥeinep din.

Isaias 2:6

Tutuu iyan he inselikwey nu, Nengazen, is menge etew nu, kes menge kevuwazan ni Jacob, su midtuu sikandan te menge tuluuwen he ebpuun diyà te edsilaan wey te menge menenagnà iring te menge Filistihanen. Mid-iringan dan is menge vetasan te menge lumelengyawà.

1 Samuel 6:1

Hein midlavey en is pitu he vulan te ked-uwita ziyà te Filistia zuen te Kavan te Nengazen,

1 Samuel 5:8

Umbe, impetawag dan is langun he menge pengulu te Filistihanen. Ne mid-insaan sikandan te, “Ebmenmenuwen tew heini is Kavan te Kebpekid-uyun te Megbevayà te Israel?” Midtavak sikandan te, “Ed-uwiten heini ziyà te Gat.” Ne zutun mid-uwit dan pehendiyà te Gat kes Kavan te Kebpekid-uyun te Megbevayà te Israel.