1 Cronica 9:2 - Manobo Western Bukidnon OT

² Is nehuna he nekeulì diyà te menge inged dan he keugelingen dan he tanà iyan is menge Israilihanen, menge memumuhat, menge Levihanen, wey menge suluǥuen diyà te valey te Nengazen.

1 Cronica 9:2 Referans Kwoze

Nehemias 7:73

Ne nemenlikù sikandan diyà te menge inged he mibpuunan te pemilya zan, ragkes en is menge memumuhat, menge Levihanen, menge vantey te menge ǥemawan te valey te Nengazen, menge perekanta, wey menge suluǥuen diyà te valey te Nengazen.

Ezra 8:20

Midsuǥù dan daan pehendiyà te kenami is 220 he menge suluǥuen diyà te valey te Megbevayà. Heini is menge suluǥuen diyà te valey te Megbevayà mibpilì dengan ni Hadì David wey te menge upisyal zin he ibpeuǥup te menge Levihanen. Pudu nekelista is menge ngazan dan.

Ezra 2:70

Is kada sevaha kandan midlikù diyà te menge inged he mibpuunan te menge pemilya zan, ragkes is menge memumuhat, menge Levihanen, menge perekanta, menge vantey te menge ǥemawan te valey te Nengazen, wey is menge suluǥuen diyà te valey te Nengazen.

Ezra 2:58

Is kahabet te kevuwazan te menge suluǥuen diyà te valey te Nengazen ragkes is kahabet te menge suluǥuen ni Solomon ne 392.

Ezra 2:43

Iyan heini menge kevuwazan te menge suluǥuen diyà te valey te Nengazen he nemen-ulì daan puun te kegkevihag: Menge kevuwazan ni Ziha, Hasufa, Tabaot, Keros, Siaha, Padon, Lebana, Hagaba, Akub, Hagab, Shalmai, Hanan, Gidel, Gahar, Reaya, Rezin, Nekoda, Gazam, Uza, Pasea, Besai, Asna, Meunim, Nefusim, Bakbuk, Hakufa, Harhur, Bazlut, Mehida, Harsha, Barkos, Sisera, Tema, Nezia, wey Hatifa.

Nehemias 7:60

Is kahabet dan te menge kevuwazan te menge suluǥuen diyà te valey te Nengazen wey is menge kevuwazan te menge suluǥuen ni Solomon, 392.

Ezra 2:1

Listahan heini te menge Israilihanen diyà te prubinsya he Juda he mibihag dengan ni Hadì Nebucadnezar ziyà te Babilonia. Kayi he timpu mid-awe en sikandan diyà te Babilonia ne midlikù en diyà te Jerusalem wey ziyà te zuma pa he menge inged dan diyà te Juda.

Nehemias 10:29

nesevaha key te kebpenangdù duma te menge pengulu zey he edtumanen dey is Kesuǥuan he imbeǥey te Megbevayà pinaaǥi te suluǥuen din he si Moises. Nenangdù key zaan he edewaten dey is rawak te Megbevayà emun kenè dey egketuman is insaad dey he ed-ikulen dey is langun he menge suǥù wey menge sulunuzen he imbeǥey te Nengazen he Megbevayè dey.

Nehemias 11:1

Dutun he timpu, is menge pengulu te menge etew ziyà te Israel ziyè ed-ubpà te Jerusalem, he iyan kes segradu he inged. Dutun midripa is menge etew he ziyè med-ubpà te gawas te Jerusalem su egkeusatan dan he kada sepulù he pemilya ne zuen senge pemilya he ziyà ebpekeubpà te Jerusalem, ne sikan is egkesamà ne kenè en mulà ed-awà diyà te menge inged dan.