1 Cronica 10:2 - Manobo Western Bukidnon OT

² Ne midal-as te menge Filistihanen si Saul wey is menge anak din he maama, ne midhimetayan dan is anak din he si Jonatan, Abinadab, wey si Malkishua.

1 Cronica 10:2 Referans Kwoze

1 Cronica 9:39

Si Ner ne amey ni Kish, si Kish ne amey ni Saul, ne si Saul ne amey ni Jonatan, Malkishua, Abinadab, wey si Eshbaal.

1 Cronica 8:33

Si Ner ne amey ni Kish, si Kish ne amey ni Saul, ne si Saul ne amey ni Jonatan, Malkishua, Abinadab, wey si Eshbaal.

2 Hadì 25:7

Midhimetayan diyà te etuvangan din is menge anak din he menge maama. Ne midluǥit is menge mata zin, ne migkedinahan sikandin is mid-uwit diyà te Babilonia.

2 Hadì 23:29

Hein edhadì pa si Josia, si Faraon Neco he hadì te Ehipto midhendiyà te Wahig he Eufrates su edtevangan din is hadì te Asiria. Ne migenat si Hadì Josia wey is menge sundaru zin su ebpekidtebek dan ki Neco, piru midhimetayan sikandin ni Neco hein neked-uma zan diyà te Megido.

1 Samuel 14:49

Is menge anak he maama ni Saul iyan si Jonatan, si Ishvi wey si Malkishua. Ne is menge anak din he menge vahi iyan si Merab he iyan kakey, ne si Mical, is hazi.

1 Samuel 14:6

Migkeǥiyan ni Jonatan kes tig-uwit te ǥumaan din te, “Hengkayi ke en, ebeyaan ta is kampu te menge etew he wazà mekekilala te Megbevayà. Kela ke edtevangan ki te Nengazen, su wazà ebpekevelavag kandin emun edhimuwen din he mekezaag is etew, mezakel man wey ke deisey.”

Exodus 20:5

Kenè kew mebpenilbi wey med-azap kayi; su siak, is Nengazen, iyan a Megbevayè niw, ne kenà a egkesuat he zuen pa zuma he ed-ezapen niw. Edsilutan ku is menge nekesalà kedì, apil en is menge kevuwazan dan taman te iketelu wey ikeepat he lapis te kevuwazan dan he midselikwey kedì.

1 Samuel 31:2

Ne midal-as te menge Filistihanen si Saul wey is menge anak din he maama, ne midhimetayan dan is anak din he si Jonatan, Abinadab, wey si Malkishua.

1 Cronica 10:3

Utew meinit is tebek eni Saul wey menge Filistihanen. Neigù si Saul te panà ne nepelian.