Tito 2:11 - Manobo Western Bukidnon

¹¹ Impeg̵awag̵awa en guntaan is gag̵ew te Megbevayà su wey mehimu he melibri te silut is tivuuk he menusiyà.

Tito 2:11 Referans Kwoze

1 Timoteo 2:4

su iyan din egkesuatan is wey melibri te silut is tivuuk he menusiyà ne wey zan daan metueni is tutuu he tuluuwen.

Ipisu 2:8

Su tenged dà te g̵ag̵ew zin kenita, midlibri ki zin te silut dutun te kebpeketuu ta. Wazè ki melibri pinaag̵i te kenita he vaal,

Hibriyuhanen 2:9

Ne minsan pa zutun, mibpeetew si Jesus ne pinaag̵i kayi midhimu he lavew kandin is menge velinsug̵uen taman te mevavè dà he timpu su wey tenged te zekelà he g̵ag̵ew te Megbevayà, mebpehimatey sikandin he elili te tivuuk he menusiyà. Ne tenged kayi te kebpehimatey zin, ne nehimu en sikandin guntaan he utew telehuzen wey utew belentug̵en ne imbeg̵ey kandin te Megbevayà is kebayàbayà te minsan hengkey.

Ipisu 2:5

Ne minsan pa te iring kiw te minatey tenged te kenè tew kebpemineg te menge sug̵ù din, dutun te kebenhawa zin ki Kristu, inragkes kiw zin daan su wey tew maangken is untung he wazà pidtemanan. Midlibri kiw zin te silut tenged dà te g̵ag̵ew zin kenitew.

2 Tiselunika 2:16

Berakat he lipaya kew wey lig-eni kew te Nengazen tew he si Jesu Kristu wey te Amey tew he Megbevayà su wey meupiya is langun he menge vaal niw wey is langun he menge lalag niw. Mahal kiw layun diyà te g̵ehinawa zin ne pinaag̵i te g̵ag̵ew zin kenitew zuen tew igkelipey he wazè din pidtemanan wey zuen tew zaan utew meupiya he ebperetengen.

Ruma 5:15

Iyan, kenè dan is dezuwa ebpeked-iring su is kedsupak dutun te sevaha, ne kenà iring te kebmetazeng he edhimuwen te Megbevayà. Sevaha zà he etew si Adan, iyan, tenged dutun te kedsupak din ebpematey is tivuuk he menusiyà. Ne minsan pa zutun, lavew pa he zekelà is nehimu pinaag̵i te g̵ag̵ew te Megbevayà su pinaag̵i te g̵ag̵ew te sevaha zà daan he etew he iyan si Jesu Kristu, imbeg̵ey te Megbevayà is ketazeng ne midhimu zin he metazeng is utew mezakel he menge etew.

Juan 1:14

Ne sikan is nekag̵i he Lalag te Megbevayà, nehimu he menusiyà ne mid-amur kenitew. Utew sikandin belig̵eg̵awen wey utew tutuu is menge lalag din. Neehè dey is utew zin kebpekelavew he iyan is kebpekelavew te vudtung he Anak te Megbevayà. Ne haazà is kebpekelavew zin, imbeg̵ey kandin te Amey zin he Megbevayà.

Nengeulaula 11:23

Ne hein nekeuma si Bernabe, neehè din he utew zekelà is tuvad te Megbevayà te menge etew, ne heini, utew zin ingkelipey. Inhangyù din kandan he hemeni zan wey heg̵eta zan is kedtuu zan te Nengazen.

Nengeulaula 20:24

Iyan, kenè ku en egkenug̵unan heini is untung ku zini te kelibutan su wey ku mepasad is ebpeveelan kedì te Nengazen tew he si Jesus he iyan is kedsengyawa te Meupiya he Tudtulanen te g̵ag̵ew kenitew te Megbevayà.

Lucas 3:6

Ne zutun ibpaahà te Megbevayà te tivuuk he menusiyà is edsug̵uen din he Menluluwas.’ ”

1 Timoteo 1:14

Ne kenà dutun dà taman su utew ad ingkeg̵ag̵ew te Megbevayà ne g̵untaan neketuu ad ki Jesu Kristu ne utew en sikandin mahal zini te g̵ehinawa ku.

Ruma 5:2

Tenged te kedtuu tew ki Jesus midhimu zin en he meg̵eg̵awi kenitew is Megbevayà. Umba zekelà is kelipey ta su egkeperateng ta he keuzemà ebpekeambit ki te utew kegkelavew te Megbevayà.

Kulusas 1:6

Heini is migkag̵i he Meupiya he Tudtulanen, pinaag̵i te kedtuu kayi, mezakel en he menge etew ziyà te minsan hendei he inged is mibmeupiya is menge ulaula zan. Ne kenà duen dà taman su ed-iseg ebmezakel is menge tumutuu pinaag̵i te Meupiya he Tudtulanen, iring te layun daan ed-iseg ebmezakel is menge tumutuu ziyan te keniyu puun pa zutun te andew zengan he nezineg niw is tudtul te g̵ag̵ew kenitew te Megbevayà wey netuenan niw he venar iyan.

Gelasya 2:21

Kenà egkehimu he kenè ku edewaten is gag̵ew te Megbevayà kedì su ke egkehimu he ed-isipen ki zin he metazeng pinaag̵i te kedtumana ta te kesug̵uan, wazè bes pulus te kebpehimatey ni Kristu!”

2 Kurintu 6:1

Ne g̵eina te nehimu key en he menge timbang te Megbevayà, edhengyuan dey sikiyu he himuwa niw he mebpulus is gag̵ew zin keniyu.

Nengeulaula 13:47

Iyan heini ebpeveelan kenami te Nengazen su zuen insurat he lalag din he edhenduen te, ‘Midhimu ku sikew he sulù he ebpeketayew te menge etew he kenà menge Hudiyu wey mesangyew ziyà te egketemanan te kelibutan is kedlibriya ku te menge etew wey zan kenà mesiluti.’ ”

Nengeulaula 13:43

Ne zutun te ked-awè dan puun te simbahan, mezakel is menge etew he nemenduma ki Pablo wey ki Bernabe. Elin dutun is menge Hudiyu wey kenà menge Hudiyu he edsimba zuma te menge Hudiyu. Mibpekibitiyara kandan ensi Pablo. Ne midsembag̵an dan sikandan he kenè dan engkezi is kedsarig dan te g̵ag̵ew te Megbevayà.

Juan 1:9

Ne zutun he timpu nekeuma zini te kelibutan si Kristu, sikan is tutuu he kerayag. Iyan sikandin sikan is ebpeketayew te isip te tivuuk he menusiyà.

Lucas 24:47

Ne ibpesavut daan dutun he kinahanglan he edsug̵uen ku sikiyu te kebpenudtul te Meupiya he Tudtulanen. Ebpuunan niw is kebpenudtul niw zini te Hiruselim ne ieneb niw heini ipesavut te tivuuk he kelibutan. Ipesavut niw he kinahanglan he ed-iniyug̵an te menge etew is memezaat he ulaula ne human dan ebpeseyluwa te Megbevayà.

Marcos 16:15

Ne zutun migkeg̵iyan ni Jesus sikandan te, “Penhipanew kew ziyà te tivuuk he kelibutan, ne ipesavut niw is Meupiya he Tudtulanen diyà te minsan hentei he etew he linimbag te Megbevayà.

Mateo 28:19

Umba, penhipanew kew en diyà te minsan hendei wey niw metukid te ebpesavut is langun he menge etew ziyà te langun he menge inged. Ne penurua niw he medsundan dan kedì. Pemewtismuwi niw sikandan wey metueni he nekidsevaha zan te Amey tew he Megbevayà, wey siak is Anak din, wey is Wag̵as he Mulin-ulin.

Hibriyuhanen 12:15

Bantey kew su kela ke zuen duma keniyu he kenà edawat te g̵ag̵ew te Megbevayà. Su is iring kayi he etew, ne ebpekeiring te sagbet he ebpemeg̵as te mepait he ebpekehilu. Ebpekesamuk sikandin te menge tumutuu ne mezakel he etew is ebpekeiring kandin te ed-ulaula te mezaat.

2 Timoteo 4:17

Minsan pa zutun midtevangan a te Nengazen ne midlig-enan e zin ne tenged dutun nepurungan ku te edsangyew is Meupiya he Tudtulanen diyà te langun he menge etew zutun he kenà menge Hudiyu. Ne tenged dutun nelibri a ne wazà a mehimetayi.

Kulusas 1:23

Iyan, kinahanglan he kenè niw engkezi is kedtuu te tutuu he tuluuwen, kekenà, lig-eni niw is kedtuu niw ne kenè kew medarà is ebpaabut te langun he impenaad te Megbevayà he nezineg niw zengan hein impenurù keniyu is Meupiya he Tudtulanen. Heini is nekag̵i he Meupiya he Tudtulanen, ne insangyew ziyà te menge etew ziyà te minsan hendei. Siak si Pablo, midsug̵ù a wey ku ikesangyew is Meupiya he Tudtulanen.

Ruma 10:18

Ne siguradu zuen egkag̵i he umba ves wazà meketuu is menge Hudiyu su wazè dan mezineg heini is kebpesavut, iyan, kenà egkehimu he wazè dan mezineg, su zuen insurat he Lalag te Megbevayà he edhenduen te, “Heini is lalag, ne nekeeneb is kebpenudtula kayi te tivuuk he menusiyà ne wazà taman te kedsengyawa kayi,” ke sikandin.

Nengeulaula 17:30

Dengan hein wazè pa sikandin mekilala te menusiyà, mibpesagdan din is mezaat he ulaula te menge etew, iyan, guntaan indawey zin en te langun he menge etew te minsan hendei he ibpeiniyug̵an is memezaat he ulaula.

2 Timoteo 1:10

Ne g̵untaan impeehè en kenita haazà is gag̵ew zin su mibpeetew si Jesu Kristu he iyan Menluluwas tew. Ne si Jesus, in-awè din is gehem te kemetayen ne pinaag̵i te Meupiya he Tudtulanen impesavut din kenita he egkeveg̵ayan ki te untung he wazà pidtemanan.