Santiago 1:19 - Manobo Western Bukidnon

¹⁹ Kenè niw lipati, menge minahal ku he suled, he is minsan hentei kenitew, kinahanglan he layun andam he ebpemineg te Lalag te Megbevayà ne kenè ta ipetuwas is kenita zà he lalag ne kenè ki zaan melemu he egkepauk.

Santiago 1:19 Referans Kwoze

Ipisu 4:26

Emun duen igkepauk niw tigkera niw is gehinawa niw su kela ke ibpekesalè niw. Ne kinahanglan he te kenè pa edsanlep is andew iawè niw en is pauk te isip niw.

Kulusas 3:8

Ne g̵untaan, kinahanglan he ed-iniyug̵an ta is minsan hengkey he mezaat he ulaula iring te kegkepauk wey kebpekigkuntada te zuma he etew, is kebpesipala, is ked-ituk wey is meremerik he kegkag̵i.

Ipisu 4:31

Engkezi niw is kebpekunkuntedehè niw. Kenè kew meepes wey mepauk te zuma niw. Kenè kew pekid-eg̵et; kenè kew ituk; kenè niw itug̵ut he ibmezaat te g̵ehinawa niw is minsan hengkey he ulaula te zuma niw,

Kulusas 3:15

Ne kinahanglan daan, he iyan niw ipelavi ziyà te g̵ehinawa niw is kelinew he ibeg̵ey ni Kristu su umba midhimu kiw he tumutuu te Megbevayà su wey kiw mebmelinawen su nesevaha kiw is menge tumutuu. Ne layun niw peselemati te Megbevayà is gag̵ew zin keniyu.

Mateo 5:22

Ne iyan kedì he penurù is: minsan sikan is egkepauk dà te zuma zin, edhukuman daan sikandin te Megbevayà. Ne sikan is edsulà te zuma zin te, ‘Wazè nu pulus he etew!’ ne egkeuwit sikandin diyà te husayen. Ne sikan is edsulaan din is duma zin he egkag̵i te, ‘Tulebung ka he wazè nu pulus,’ ne zait sikandin he egkeuwit diyà te hapuy te Impirnu.

Santiago 1:26

Emun iyan isip te etew is hustu is ked-ezapa zin te Megbevayà, iyan, kenè din edtengkaan is kegkag̵ikag̵i zin, wazà pulus te ked-azap din su neterteruan din dà is gehinawa zin.

1 Tiselunika 2:13

Ne elin daan layun dey ibpeselemati te Megbevayà is: hein impesavut dey keniyu is Lalag te Megbevayà, midawat niw su nesavut niw he Lalag te Megbevayà ne kenà lalag te etew zà duen. Su pinaag̵i te lalag din egkelig-enan is kedtuu tew te nemeketuu kandin.

Nengeulaula 17:11

Ne zeyzey is menge Hudiyu zutun te Biriya kenà te menge Hudiyu ziyà te Tiselunika su memetulanged dan mulà. Ne utew zan egkesuat he ebpemineg te impesavut kandan. Ne kada andew edsusiyen dan is insurat he Lalag te Megbevayà su ed-ahaan dan ke tutuu ve iyan haazà is ibpenurù eni Pablo.

Lucas 19:48

Iyan, kenè dan egkeg̵aanggaan te edhimatey sikandin su is langun he menge etew, ne utew zan egkengevenari he ebpememineg kandin.

Marcos 2:2

Ne nengetig̵um sikandan dutun te valey. Utew mezakel is menge etew zutun ne tenged kayi wazè dan en ed-ereg̵an minsan diyà te zeringdingan he uvey te g̵emawan. Ne impesavut kandan ni Jesus is Lalag te Megbevayà.

Nengeulaula 10:33

Umba,” ke si Cornelio, “segugunè ku sikew impeveyai ne selamat utew su nekeuma ka kayi. Ne g̵untaan nengetig̵um key en dini te etuvangan te Megbevayà su ebpemineg̵en dey is minsan hengkey he insug̵ù din kenikew he ipesavut kenami.”

Nengeulaula 2:42

Ne te kada andew ebpemineg dan te ibpenurù kandan te menge epustul. Mibpekid-upakat dan te langun he menge tumutuu ne mibeelan dan te tedeman is kebpatey ni Jesus pinaag̵i te kegkaan te supas ne layun dan ed-ampù.

Lucas 15:1

Ne zutun he timpu, duen mezakel he menge mekesesalà he etew he menge menunukut te vuhis wey menge mesinupaken te kesug̵uan, ne nemenhendiyè dan te ki Jesus su ebpemineg̵en dan is penurù din.

1 Juan 2:21

Kenè ku iyan ibpesurati keniyu is tenged te wazè niw mesavut ke hengkey is tutuu he tuluuwen, kekenà, tenged te nesavut niw en wey tenged te wazà minsan hengkey he tarù he ziyà ebpuun te tutuu he tuluuwen.

Nengeulaula 13:48

Ne hein nezineg haazà te menge etew zutun he kenà menge Hudiyu, nengelipey zan utew ne mibpeselematan dan is impesavut kandan te Nengazen. Ne is langun he menge etew he imbanglis kandan te Megbevayà is untung he wazà pidtemanan, nemeketuu.

Marcos 12:37

Ne impelaus ni Jesus haazà is egkeg̵iyen din te, “Emun migkag̵i ni David he Nengazen din is ebperetengen he ibpahadì, kenà egkehimu he kevuwazan dà duen ni Hadì David.” Ne utew nengesuat is mezakel he menge etew zutun te kebpenurù kandan ni Jesus.

Nengeulaula 1:15

Ne nekepira zutun, nengetig̵um is menge tumutuu, menge nenggatus wey keluwaan sikandan is mibpetemtempuwà dutun; ne midhitindeg si Pedro is egkag̵i te,

Santiago 1:2

Menge suled, mebmelipayen kew emun merasey is egkeulaula niw tenged te idtug̵ut te Megbevayà he zuen ebarangbarang he penggezam te kedtuu niw kandin.

Santiago 1:16

Menge minahal ku he suled, kenè niw tuuwi is kenà tutuu. Kenà ebpenuley is Megbevayà.

Santiago 2:1

Menge suled, geina te menge tumutuu ki ki Jesu Kristu, is mekeg̵eg̵ehem he Nengazen, kinahanglan he pedrerepenga ta is kedtehuza ta te langun he menge etew.

Santiago 2:5

Pemineg̵a niw, menge minahal ku he suled, is ibpesavut ku keniyu. Duen mibpilì te Megbevayà he egkengeayuayu. Ne minsan deisek is ketig̵eyunan dan midhimu te Megbevayà he zekelà mulà is kedsarig dan kandin ne iyan sikandan edtuvazan din pinaag̵i te kedhadì din sumalà is penaad din diyà te langun he ebmahalen dan sikandin diyà te g̵ehinawa zan.

Santiago 3:10

Utew heini igkeinuinu su sebsevaha zà is puunà te kedrawak wey kebpeselamat! Menge suled, kenà heini meupiya.

Santiago 4:11

Menge suled, kenè kew mebpesudsudiey wey mebpesewsewayà su is edsudì wey edsawey te zuma zin he tumutuu, ne iring te edsudien din wey edsewayen din is lavew he sug̵ù. Ne emun edsewayen ta haazà is sug̵ù, kenè ta edtumanen, kekenà, edsumpeliten ta.

Santiago 5:12

Menge suled, ebeleuzan ku sikiyu he emun duen ibpesarig niw kenè niw heg̵eta pinaag̵i te kebpengulivet wey kedsesapà. Kenè kew medsesapà pinaag̵i te kegemita niw te minsan hengkey ziyà te langit wey zini te tanà te kebenara niw te menge lalag niw. Uya zà wey wazà is gemita niw su wey kenè kew mesiluti te Megbevayà.

Santiago 5:19

Menge suled, ke zuen sevaha keniyu he egkesuwey zin wey egkelipatan din is tutuu he tuluuwen ne zuen ebpeketavang kandin wey mekelikù,